|
本帖最后由 林绍胜 于 28-4-2023 10:03 AM 编辑
如果將新舊約拆開嚟睇,上帝的確係非常無厘頭㗎。今日教會最大問題,就係唔將舊約同新約當係一個約嚟看待。無論講員又好,信徒又好,大家好似已經失去咗約給概念。聖經變咗一本乜經乜經,仲有上下集,大家當小說咁讀,當心靈雞湯咁解,一有啲乜嘢唔啱聽就馬上噴。
教會已經唔知道乜嘢係約㗎啦,亦唔知約嘅嚴肅性,約嘅實牙實齒性。個個好似霞姨咁話,我都唔知上帝做乜。上帝喺大家心目中已經變咗一個死茄哩啡,已經唔係個位超越世間一切,高高在上權威。今日樣樣都話民主,權威係冇市場㗎。
缺少咗約同上帝權威嘅概念,又如何可以明白阿伯拉罕獻仔呢段故哩?
首先,大家要更正返嚟,聖經係一本約。一本上帝同人類定嘅約,好嚴肅㗎,唔係齋嗡㗎。約的乜?就係約定,上帝會派耶穌嚟拯救人類。由阿當犯罪時開始約定,然後到阿伯來罕,約定救恩必定會從佢嘅後裔出來。。。跟住每一個年代,每一個世代都有一個約定,慢慢將上帝救人嘅計劃續個約定落實。好似工程進度報告咁,約好幾時交貨,做好幾成等等。
如果唔明白尼個約,我哋就無辦法明白阿伯拉罕獻仔呢個動作。哇,上帝變態㗎?阿伯拉罕信邪教信到癡咗線?但係如果我哋明白上帝同阿伯拉罕之間嘅約定,咁又另外一回事了。約最講究係咩啊?就係信啊。冇信用,簽多多白紙黑紙都係假。阿伯拉罕信,信得好交關,上帝就藉著佢嘅信,再扱多個印---嗱,我冇食言啦,我真係會啤你好多後代㗎。
同樣,你明白咗上帝嘅高高在上,並同人類嘅約定,你就可以明白上帝所有無厘頭動作。
|
评分
-
查看全部评分
|
|
|
|
|
|
| |
本周最热论坛帖子
|