韓劇《急診男女》嘅32歲女星Clara(李成敏)近年專注喺大陸、香港發展，喺韓國都冇乜演出機會，最多現身吓一啲時裝活動，不過佢嚟緊喺大陸會有新搞作，唔知係唔係真係之前有指「禁韓令」放緩，令Clara可以如常到大陸工作，嚟緊18號Clara仲預告會亮相「微博電影之夜」。
睇Clara嘅微博可見佢都幾勤力，不時都會更新微博，近日佢仲向歌壇發展，頻頻喺微博宣傳佢首歌曲《我就是克拉拉》，佢首歌嘅MV已於大前日公開，一向走性感路線嘅Clara喺MV中繼續大騷身材，騷腰晒腿，當然唔少得大晒佢34D嘅逼爆身材，仲有出盡法寶扭嚟扭去來引誘粉絲。而佢今次首歌仲要全部都用普通話獻唱，只見佢咬字尚算清楚，只係有一啲字就講極都講唔啱。不過粉絲捧得佢場，都唔係想聽佢MV，主要都係想睇佢個MV居多。
不過MV由大前日上載到噚日約晚上7時，不足24小時內，喺YouTube僅得481點擊人次，但喺佢個微博就有唔少人欣賞過呢首MV，大陸網民都一致畀unlike佢，留言話：「幾年內聽過最爛的一首歌，沒有之一」、「讓我有種越南電視劇嘅視感」、「身材沒毛病MV拍的沒毛病其他全是毛病」、「誰做的詞啊？？好爛啊。先拍一部小清新的風格的MV比較適合你。英語應該是你的強項，唱幾首英文歌也不錯，唱中文聽得好尷尬啊！可惜了一個美人胚子的臉蛋。」
另外，Clara今日從韓國出發飛到大陸工作，佢現身機場時以超性感打扮示人，上身背心襯牛仔褲，下身就着上超短牛仔褲，佢條件仔褲短得勁人，有啲角度佢仲險些走人，似乎冇着底褲，真係一步一驚心。
| 
发表于 15-6-2017 11:04 PM
变色卡
千斤顶
.gif)
本周最热论坛帖子
1628 
30
