|
|
鄧紫棋前晚開騷時寸爆舊愛林宥嘉甩拖唔單聲，擺脫「嘉」鎖的她與男舞蹈員上演貼身辣舞，咪咪任托擺明示威！
鄧紫棋（G.E.M.）與台灣歌手林宥嘉分手後，多次公開互數，繼宥嘉早前發表四點聲明後，G.E.M.前晚在澳門金光綜藝館展開巡唱第一站《G.E.M. X.X.X. LIVE世界巡迴演唱會—澳門站》時，開展新一輪反擊！
失戀的G.E.M.卸下「嘉」鎖大玩性感，多套戰衣都相當少布，晒胸、騷腿、露背樣樣出齊。招牌小巨肺唱功仍不及騷巨胸引人注目，她穿上緊身背心熱舞時，男舞蹈員從後熊抱，疑似托到她的「咪咪」！
G.E.M.又與緋聞老外音樂監製Lupo合作Jam歌，大讚對方似足萬人迷碧咸，並自嘲緋聞男友多達八個。騷後受訪時，提起G.E.M.讚Lupo似碧咸，她稱小學年代已情迷碧咸，可是對方已為人夫，講到Lupo未婚，她語帶雙關說：「佢拍緊拖啦！我唔會搞有女朋友嘅人。」似暗寸「情敵」丁文琪。
以後帶眼識人
對於她自封有八個緋聞男友，問宥嘉屬於前度還是緋聞？她寸爆對方唔畀「名分」：「我依家先知原來係真，咁計埋佢啦！（你一直想認戀情？）我認唔到，唔可以認。（佢話和平分手需要好大福氣？）我覺得至少要單聲囉！」她又直言無悔拍拖，但日後定必會帶眼識人。而最抵死是G.E.M.身上的緊身Tee寫着「Let What You Say Be Simple "Yes" or "No"（直接啲講，係定唔係）」，似是向宥嘉示威。
|
|
发表于 5-5-2014 09:42 AM
变色卡
千斤顶
本周最热论坛帖子
1682 
79
