【兒童不宜】講下女仔嘅下邊

ahju

【！】這個貼的部份內容可能會令人反感或不安 ，尊請小心處理【！】

係大人嘅世界裏，性器官呢家嘢向來都係俾禁止言論嘅。
性器官唔等同性愛同性交，每個人都有一個可以分別性別嘅性器官。
由於長期俾禁止言論以致相關嘅知識失傳，呢個性器官好多人都唔知道應該點解【稱呼】。
喺【廣東話揮手區】同【lan si算唔算粗口？】兩個貼內，我哋已經講咗唔少關於男仔嘅陽具。

呢個貼就讓我哋齊嚟講下關於女仔嘅嗰度嘅名稱。

比如話：
一個細佬女下體痕癢，佢應該點樣同佢媽媽講哩？佢會用邊個字咧？
家長之間講到女仔嘅嗰度又係用乜字嘅咧？
【！】肯定唔會係 H** 嗰隻【！】

呢個我暫時賣個關子，俾大家發揮一下先。討論百無禁忌。

跟你妈妈讲

嗨你好～我不明白哦～

唔好呀

會話：媽咪，妹妹痕痕呀

ahju

中學時，有日同班同學喺處傾偈，有一個馬來同學就講到個麻雀-burung pipit一字。佢特別加重語氣喺pipit嗰處，好似在暗示緊乜嘢噉，嗰一刻我哋都冇收到，後來佢再重複講多一次，大家都陰陰地在偷笑，原來佢嘅pipit 係指唐話嘅biet biet 。

biet biet 係女性性器官嘅名稱之一。經常都聽到啲細佬女咁講，媽媽同女兒之間嘅談話亦常用到呢個字。
我唔知道啲細佬女係點樣識講呢個字。據 谷衍 -【漢字源流字典】 第9頁 所說。呢個 bietbiet 應該係寫為 【匕匕】。
匕 - 象形字，甲骨文係一個跪拜嘅反人形，係柔順婦女嘅形象，遂成為雌性嘅標誌。
如：【牝】指母牛或雌性嘅動物如；牝牛，牝馬，牝雞。【麀】係母鹿。【雌】本係鳥母之義，古作䧳。雌字後來引申為母 / 女性。

【匕匕】本應該唔係指性器官，而係由雌性性特徵引申而來。

唔好呀

回复 4# ahju

匕=拼音讀Bǐ
    都係第一次見識呢個字眼

ahju

回复  ahju

匕=拼音讀Bǐ
    都係第一次見識呢個字眼
唔好呀 发表于 25-10-2011 08:50 PM

我嘗試用呢個【匕】字做咗一個大膽嘅推測。呢嘅 bi音可以關聯到另一個極之重要嘅字眼。


繼續搞神秘。
下一個即將出現，請繼續收睇。

ahju

注意 ： 此貼使用咗漢字通用碼Unicode CJK Ext A & Ext B。若你嘅系統冇安裝相關嘅編碼字體，部份字體可能顯示唔到。

我阿爸中意喺人哋睇電視嗰陣【客串】做埋【旁說員】，乜嘢都講返幾句。
而家啲電視節目比較開放，上鏡啲女仔可以好性感，每一次我阿爸睇到啲特別性感嘅女仔時，都會用到一個好特別嘅字 - 賣 【角居】。
意思大概係話啲女仔在處出賣色相。而每一次我阿爸用到呢個字眼時，在旁嘅阿媽就會話：“粗（魯）到死，教壞晒。”
之後我阿爸就會改口講- 賣【茶菓】。

究竟呢個【角居】有乜問題咧？嗰時我唔知道，從我阿爸用詞嚟睇 【茶菓】= 【角居】。 福建人講嘅【糕】其音如kueh。
阿媽做糕係一大盤整，然後切成一塊塊，吃嗰陣要從一個【角】落潷起，咁正唔會破壞盤糕嘅美觀。
而【茶菓】又係白白滑滑嘅，好似女仔嘅肌膚。 嗰時我真係以為【角居】就真係 【糕】，係【茶菓】嘅代詞。

直到我睇完【廣州語本字】一書之後，我正知道，原來阿爸嘅呢個【角居】應真唔話得。
【廣州語本字】346目 就有話 ：【角居】寫作 ：

     （guk1 geoy1） 。佢嘅意思就正正是女人嘅嗰度。賣 【角居】 = 。怪唔得之阿媽話個字好粗俗喇。

【注：【廣州語本字】 寫錯一個字 ：  字，詹舉人寫漏咗一個點或一劃，尸--->戶）

以下係辭書對呢兩個字嘅講解：

䏱  【CJK-ext A U+43F1, 五筆：ENNK 倉頡：BSSR : 鄭碼: QXYJ 四角： 77227】
【未集下】【肉字部】䏱 (  ) ·康熙筆画：13　·部外筆画：7
《玉篇》《五音集韻》䏱 (  ) 居六切，音菊。
《玉篇 - 肉部》身也。《五音集韻 - 屋韻》肥也。  

𦜛（ ）【CJK ext A U+2671B, 五筆：EYNV 倉頡：BHSN : 鄭碼: QWRQ 】
康熙字典 【未集下】【肉字部】𦜛 (  )·康熙筆画：14　·部外筆画：8
《字彙補》古于切，音俱。女隂。

漢語大字典 2092 頁
【改併四聲篇海】引【川篇】音俱。
女性的外生殖器。【改併四聲篇海 - 肉部】引【川篇】：“𦜛(  )， 女人陰也。”

==============================
後記：
吃咗人哋嘅【車】。隻【車】會唔會有人係講個咧？都係好重要嘅嘢。

唔好呀

回复 7# ahju

依家啲人好鐘意講：鮑魚
師兄真係用心良苦，雖然好多字我都唔識寫唔識讀，不過都要多得師兄你令我眼界大開

ahju

【勼】古同【鳩】。喺之前嘅貼【廣東話揮手區】，我哋已經講過。
可見【勼】/【鳩】 的確同男性生殖器有關。

ahju

回复 8# 唔好呀

我哋喺書館學嘅字實在係太少啦。睇而家啲書還可以。一到古籍就翻晒車。
係古籍中尋找答案係一種樂趣。雖然其過程甚艱難。
可惜而家啲人已經對啲字冇興趣喇，簡單求其就得。
先人留俾我哋寶貴嘅知識財富，對佢哋嚟講，祗不過係一啲冇意思嘅爛鬼圖案。

唔好呀

回复  唔好呀

我哋喺書館學嘅字實在係太少啦。睇而家啲書還可以。一到古籍就翻晒車。
係古籍中尋找答案 ...
ahju 发表于 30-10-2011 09:13 AM

師兄得閒可以去飛下香港參觀下嗰度唧圖書館，我去過其中三四間發覺嗰度藏書量都劲多下架

ahju

回复 11# 唔好呀

以前我的確好中意上圖書館，而家就唔多有興趣咯。
事關我而家個人藏書亦有過萬本，估計須要用上萬年嘅时间才能消化晒。
我自己整咗個個人數碼圖書資料庫，好似啲圖書館系統噉，打個‘相關詞’ 就可以搵到要搵嘅書。
大多書其實都唔係好事，知到太多真相反而唔好。
人生簡簡單就好。

唔好呀

回复  唔好呀

知到太多真相反而唔好
ahju 发表于 3-11-2011 11:30 PM

我就覺得越知道得多就發覺自己越無知，以前總覺自己高人一等，心高氣傲，經過咁多硬石砸頭既慘痛經歷總算明白歌神許冠杰所唱既一句歌詞：命里有時總須有，命里冇時莫強求。


聽落就好似悲觀咗啲咁，但查實係真實的。

唔好呀

有野想請教師兄，我上網查唔到來源。

搭的士的打的，香港人通常會咁講，但個打字同搭好似唔係一樣，想知道個打字既來源。
頭先上google查，但百度上唔到

ahju

星期六（5-11）嗰日，聽到阿姨將個【糕點】講若【角龜】。
我族人的而且確係有將嘅糕點講若【角龜】嘅習慣。
呢下好令我好迷茫，一個係【角居】，一個係【角龜】，兩個字嘅音其實係有些少唔同，

【角龜】究竟係點寫法嘅咧？ 高州客家話？？
焗糕？？
焗，烹飪方法，若蒸，不同嘅係水蒸氣不直接接觸食物，而係整熱個密封嘅容器。
容器入內嘅空氣升高，而最終令到入邊啲食物變熟。

唔好呀

回复 15# ahju


   我只知道大多數香港人都唔知道咩嘢係角龜

ahju

回复 16# 唔好呀

我仲喺處查驚【角龜】呢個字究竟係點寫法。又試問 【唔好呀】個人要冇聽過呢個字 ( 指茶菓嗰隻）咧？

呢嘅貼嘅第三個字將會在近期推出，尊請留意。

唔好呀

茶菓←有聽過同講過

ahju

回复 18# 唔好呀
噉【角龜】咧？

唔好呀

回复  唔好呀
噉【角龜】咧？
ahju 发表于 16-11-2011 01:29 AM

  我 冇聽過同我問咗我所認識的香港朋友都冇一個聽過