我的愛情故事 - 我遇見了她(親身經歷）(完)

@h_Ku

[隱藏]
我係一個新手，好想分享自己既愛情故事。可以識到更多既朋友。
希望大家會支持…

我係一個性格樂觀、主動。喜歡浪漫、不切實際!
對愛情好簡單既人，只係合眼緣有FEEL，就得。
但係緣份好多時都係未到就未，話唔來就唔來。
就算你幾想擁有，緣份總是戲弄人、就戲弄人。
每當自己搵到一個鍾意人時，可惜，
你往往都唔能如願意償。總係被拒絶收場。
相反，你唔想鍾意既人就會痴埋來。
我真係好心灰意冷，打算放棄，把自己既愛情寄託予四方。
還要講句：人生也不只戀愛這一路。
滿有決心之際，但係我又放棄依一個念頭。
因為......

電話響～

我：<喂…點樣！>
阿文：<今晚出來啦，有ｄ好野比你睇！＞
我：<吓……>
阿文：<吓咩野啦…睇你都無人約啦！>
我：<無人約…大把女約我呀！>
阿文：<你有咩野女呀！有女我會唔知！唔理你呀！今晚一定要出。>
我：<是但啦…咁你搵埋阿威出來喎？>
阿文：<阿威唔得閒呀！>
我：<咁算啦…照出啦！>
阿文同阿威係我識左十幾年既兄弟，對我感情生活十分了解！
今晚既約會來得突然！有Ｄ古怪…
我約左好朗豪坊一間食泰國野既餐廳！我一入到去，阿文已經搵定位，
竟然身邊多左個女仔？

阿文：<喂…依度呀！>
我：<HELLO~>
阿文：<介紹你識…依個我女朋友Maggie>

我地就咁見左兩個鐘頭，一路食飯、一路吹水。氣氛都好開心。
當道別後，我內心好矛盾～一方面好開心係阿文拍拖、另一方面
唔開心，我仍然係單身，連自己鍾意既人、動心既人都搵唔到。
我整個人係一個悶悶不樂既心情下去搭小巴返觀塘。

當車去到牛頭角時，突然間落好大雨，我好好彩有帶雨傘。
我落車以後，想起要襟錢…就去左渣打銀行，正當我入門口既時候。
見到一個好靚、好清純既女仔。係度望住個天。於是，我昅左佢一眼。
其實唔止一眼，係好多眼…然後襟錢…但時不時都望一望個女仔。
我係度諗？好唔好問下佢要唔要＂姐＂佢呢？
但係我亦好怕，因為素未謀面，又唔識你，洗乜你咁好心。
內心真係極其爭扎。結果，我深吸一下…同自己既講：算吧啦…
然後收埋Ｄ錢後，就行出去同一個門口，但係雨勢好大，無停過。
我打開左雨傘，忍唔住鼓起左最大既勇氣同佢講。

我：<不如我"姐"埋你啦？>
她：<吓…我諗唔洗啦！＞（佢望一望天）
我：<我睇來場雨都會有排落，你咁等唔係辦法，
          我"姐"你過OK買把雨傘啦。>
她：<咁好啦…唔該你呀＞

我從來無諗過自己咁大膽呀？竟然咁有勇氣同佢講，係出自一份好心呢？自己心裡有數？沿途我都唔敢同個女仔傾計，只係低頭咁慢慢行到ＯＫ。我好耐都未試過同個女仔雨中漫步啦。行到ＯＫ門口。

她：<唔該晒你…＞
我：<唔洗…我走先啦…ＢＹＥ！>

就咁…我同佢就道別左，依一個女仔，係我第一個一見鍾情既人。
唔知再有冇機會見到佢呢？

@h_Ku

過左好幾日，我仍然去想依一個女仔。
尤其係我行走渣打銀行時，時不時係到諗會唔會撞返佢呢？
撞返佢會唔會認得我呢？
我猛咁係度諗，只係一種胡思亂想。估唔到男人都會咁。
依單野，我只係同阿文講，完全唔敢同阿威講。
阿文份人比較感性、相反阿威係一個完成實際既人。
如果依單事件講比阿威聽，一定會比佢話我多餘，無聊。
正所謂：話不投機半句多。所以，阿文係依一件事既知情人士。
當然Maggie 都會知啦。

阿文知道我係一個唔容易動心既人，仲話我眼角太高，好難搵女朋友。
但我一向都唔認同，因為我係一個寧缺勿濫。所以咪要承受孤獨、單身既代價囉。
雖然自問樣貌唔係一名令仔。但阿爸阿媽起碼生得我唔醜。
可惜，愛情總係沒有好既結果。真係令人死心之際。
突然出現了依一個從天而降，從不相識既天使。

依一排成日都落雨，每當落雨時，我都會諗起當晚情景。
當然，點會咁容易再撞到啦。觀塘真係好大架。
理性當然係咁講，但係內心當然好想見到佢啦。
但結果失望而回。就咁過左一個月。
我對佢已經越來越模糊!亦開始記唔起佢既樣子。
或者人總係會善忘…

有一晚，突然間收到個電話。
老闆：<阿Wind哥仔，聽日八點半返工得嘛？我單野要你幫搞搞。
              我約你八點半呀!>
我：(>__<" 乜有得選擇唔得咩!) < 好…無問題，聽日見。 >

於是，就要比平日早訓左十五分鐘啦，大約係兩點鐘到啦。

第二朝早，我比平日早左成個鐘出門口，望一望個窗口。仲有陽光添。
於是我就去搭巴士。我公司係荃灣。所以，搭42c係不二之選。因為可以
有位坐、有得訓。而搭地鐵又要企、又要迫，仲要貴添。所以諗都唔洗諗。
去到巴士站，估唔到比我想像中多人喎。我唯有排隊等。
等等下車，突然間打左一個雷。風聞色變咁，死火啦。唔通會落雨。
六合彩又唔見我中，一講就立即中。我好徬徨。等車好，還是避雨好呢？
如果去避雨，一陣排返隊又無位坐。唔避又會成身濕晒。
面對進退兩難局面。真係唔知點做好。要係我人生舜間作決定之際。
突然間有一把雨傘放係我個頭頂。然後聽到一把好溫柔既聲線。

她：<今次輪到你無帶"姐"呀?>
我：<係呀!>
她：<要唔要我"姐"你去ok買"姐"呀?>

@h_Ku

(^0^估唔到咁有緣呀! 但可惜我來不及反應。)
我：<哈哈…我諗唔洗既。>
她：(笑) <吓…你都幾好彩喎。>
我：(我遇返你好彩^^) <點解既？>
她：<因為有車囉!>
我：<係喎!>

我掛住望住佢，所以完全唔知道。見返佢，我真係個心跳得好犀利。
諗都無諗過會係一個咁既情形下見返佢。依D情景真係好似小說既情節先會出現。但係卻係偏偏發生係我身上。人就係咁，當你越想去做一件。往往未必會比到你，但係當你唔諗既時間，就會無端端發生。
佢”姐”到我上車。我地上左上層。>__<”點知~~只係得單邊位。佢同我示意坐依個位。我就坐係後後後後既一排。不過都好好，如果佢唔”姐”我。我諗連位都無得坐。
架巴士都好多人呀，今日依程車，我完全無訓過。全程都時不時望住前面坐位。可惜個位遮晒佢個人。唔緊要啦! 我都感覺佢存在係同一個空間嘛？好似講緊怪談咁呀。車既冷氣雖然好大，但係內心既興奮真係令到我全身感到溫暖。但架車好快就去到荃灣。我要落車返工，但知道佢未落車。我正打算同佢講一聲：BYE BYE，但係佢訓著左。所以我唯有就輕輕的我走了啦。而落留梯時，我仲回頭一望佢添。但係佢仲訓緊。不過依然都係咁靚、咁清純。我用眼神同佢講左聲：BYE!BYE!

落左車既時候，已經停左雨。我好快咁步行返到公司度。
放低個D野，就步行入經理房。

我：<早晨!>
老闆：<早晨! 唔好意思喎，要你咁早返來？你唔會唔開心呀。>
我：(我多謝你都來唔切啦。依句真心架。) <唔會，有咩野要我做呀!>
老闆：<你幫我搵依LOG PO 比我，個客趕住要。>
我：<無問題？>

由於我心情真係好靚。所以，平時叫我做乜我都唔願做，依一日，的確比平時多左好多動力去做野。我做做下大約十點半，突然阿文打來。

我：<點呀! 兄弟…>
阿文：<仲乜心情咁好呀!>
我：<講你都唔信呀! 我撞返佢呀!>
阿文：<唔明?>
我：<我撞返我女神呀!>
阿文：<吓…唔係掛。點撞到呀!>

講晒比阿文聽後，佢都難以致信。不過世界咁大真係無奇不有。有D野真係連自己都唔再相信。

我：<我真係無鬼用呀! 連佢乜名都唔知。>
阿文：<算啦! 佢肯主動”姐”你已經執到啦。>
我：<係啫。>
阿文：<你依家撞返佢，不如日日都會係依個時間等佢出現啦，

咁咪日日撞到佢囉。起碼佢家下都識你啦。>
我：<^^我都咁諗。>
阿文：<你快D加把勁啦。阿威琴晚同我講。佢都拍緊拖啦。>
我：<真係架。如果我都拍埋拖。一於我地三兄弟一齊去個旅行。>
阿文：<一於咁話。>
我：<唔得。阿威咁神秘，今晚放工打個電話比佢先。>

我放左工之後，就打比左比阿威八下佢既新戀情。

阿威：<點呀？死仔!>
我：<拍拖喎。叻仔啦!>
阿威：<洗乜講，好似你咁呀!>
我：< >_<” !! 唔洗入我位呀？>
阿威：<你呢？學人玩咩野？渣打情緣、定OK情緣呀?>
我：<哈哈哈…真係只有死人先守唔到秘密架。>
阿威：<無所謂! 鍾意人咪溝囉。>
我：<溝？點溝呀?我連個名都唔知呀？>
阿威：<傻仔! 依D唔係要我教呀?自己用下個腦啦?>
我：<吓…哦!>
阿威：<我係你，聽日一早去巴士站等佢。然後就直情行埋同佢講：我

好鍾意你。得就得，唔得就算。>

真係唔知比咩野反應阿威好。不過佢講得好岩，我真係好鍾意依個佢

@h_Ku

到左第二日，我又一早去等。可惜唔見佢既縱影。如事者，我係返工日都係KEEP住咁做，Love is Strong。依一個月，我都好早返工，我覺得愛情係一個好大既原動力。但係，我足足一個月都係咁做，都無係見唔到佢。或者我真係希望越大、失望越大啦。我對佢亦開始越來越模糊!
亦開始心灰意冷。

大約一個月後，有一日我下午放假。因為我準備去同幾個朋友到台灣，而我係搞手，所以就約埋D三位無聊朋友出來傾下之餘、順便打機，當時熱打緊Monster Hunter 2，而依班朋友又住係青衣住。所以我地相約左三點度係青衣城等，見仲有時間，於是就去一去銀行一趟。順便換台幣。而去到銀行時，真係好多人。於是我就諗都唔諗就攞部機出來打。KP 打得好著迷。到我既時間都唔知。直至有個阿嬸拍我。指我去3號窗。我先有反應咁行到埋去，之後就呆左，然後又心跳加速。因為我竟然遇返佢。

她：<依咁岩既？先生，有咩野可以幫到你呀？>
我：(微笑) <係喎，你係度做架？(有點爛GAG添上^^) 麻煩你幫我換12000 蚊台幣啦？>
她：<好呀!先生有冇考慮用申請信用CARD 呀?>
(我諗都唔洗諗呀？)
我：<好呀! 有咩野優惠呀？>
她：<我地免年費架？如果你碌夠3000蚊，可以有部IPOD 架。>
我：<咁好啦，我都想申請多張信用咭。>
她：<你去台灣呀？>
我：<係呀! >
她：<台北？>
我：<係呀!>
她：<你買左旅行保險未呀？>
我：<未呀？你有冇好介紹？>
她：<你可以係我地度買，每日都係38蚊!>
我：(>_<” 人地話追女仔係要落本架。依句話係好真實!) <好呀! 唔該你

幫我搞埋。>
她：<多謝你先!>
我：<係呢？點解依一排唔見你搭車既？>
她：<依排我公司要我早少少返來打點下先。不過來緊我可以

唔洗咁早。>
我：<哦……唔怪得啦! 係喎？你叫咩野名呀？>
她：<你可以叫我hristine!>
我：<我叫阿Wind!>
她：<你要既野搞掂晒啦。仲有冇其他野可以幫到你？>
我：<無啦!>
她：(微笑) <去旅行記得買手信喎？>
我：<好呀!>

真係好開心呀!!估唔到我地就咁相遇，但係我仍然都唔敢開口問佢攞電話，不過咁。我覺得上天都對我好好，以為忘記佢之際。突然間佢又出現返。唔知今次我會唔會結束單身既日子呢？

@h_Ku

過左一陣我就打比阿文。

阿文：<點樣？>
我：<阿文! 估都估到呀? 個天對我真係好呀!>
阿文：<點好呀？中左六合彩呀？益下d兄弟好喎!>
我：<係我依家既處景，真係無乜分別。因為我見返女神呀!>
阿文：<吓？真架!>
我：<講比人聽都無人信呀!>
阿文：<你講我咪信囉？>
我：<妖…你份人呀！可唔可以比D反應我好喎？>
阿文：<嘩……天作之合。簡真係一出電視劇咁呀?>
我：>_<” <妖…仆你個街啦!>
阿文：<哈哈哈…玩下啫! 點撞到呀?>

我講晒成件事比阿文聽，由於我太留心講啦，仲好唔小心添…

我：<哦~SORRY!>
阿文：<仲乜SORRY 呀!>
我：<我唔小心踩到人!>

其實我係唔小心入錯左女厠，可惜只係見到個師奶!!

阿文：<今晚有冇野做呀？>
我：<同班死仔傾完行程、跟住打完機就散。>
阿文：<不如約埋阿威出來啦相討一下得美人一事呢、而你後日又飛啦，
　　　順便當餞行？>
我：<好呀!>

唔知點解？人心情實在太好，做乜都好順暢，打機殺龍無難道，平時D比龍撞兩撞就死!依一日，我簡直係殺龍巴斯。夜晚就約左阿文同阿威係沙田。我地有個習慣，如果臨去旅行前，就會約埋出來食飯、當餞行。通常地點都係沙田，好多時都因為二對一既關係，所以要就佢地。而有時候! 將自己既煩惱、心事同Ｄ兄弟分享，的確係可以後此分擔。但係亦要付上沉重既代價。

@h_Ku

阿威：<Christine…銀行妹。行家來喎!!>
阿文：<世界真係無奇不有，唔通我今年我地三兄弟行桃花。>
阿威：<桃條毛咩？溝女最忌既係無膽？>
阿文：<威哥! 好似好有Ｄ心得喎。>
我：<妖…你有Q溝過女咩？Fanny 溝你渣嘛!>
阿文：<說話就唔係咁講啦!有本錢自然D女就係痴埋來。>
阿威：<阿文! 你就唔好玩D兄弟。你大佬阿Wind 哥呀! 廿幾歲人

玩緣份喎! 現實D好~真係唔理好醜，最緊要就手。>
阿文：<咁我地條女又唔係太醜既!>
我：>_<”” <得啦! 事情都去到依個地步，係我唔岩。對唔住兩位大佬。

快D比條橋來？>
阿文：<點解你今日唔佢攞電話呀？>
我：<問乜鬼啫! 見過一兩次面咁喉琴。>
阿威：<男人對女人喉琴係天公地道架。我係你行埋去，比就比、唔比
就算？瀟灑D 好!>
我：<威哥，我很認同你既高見。隔離枱有三個女仔幾索下。不如你行

埋佢攞佢電話呀?>
阿威：<哈哈…我唔可以做出對唔住女朋友既事…SORRY!!!>
阿文&我：<小。。。＞
阿威：<聽我講…去完旅行，就乘機攞手信比佢。>
阿文：<岩…最緊要問佢攞電話或者MSN。一定要同佢接觸。>
我：<其實我攞去銀行度，佢會唔會唔方便架？影響到佢架。>
阿威：<怕乜野喎…你係佢間銀行出糧嘛。你就佢既客啦。邊個敢話佢
呀！>

阿文同阿威既說話真係有幾返道理，起碼都要接觸到佢先得架啦。我只係一味係個腦裡面咁諗。有鬼用咩！但係佢地都講得岩，Christine既然都同我講左叫我送手信。我咪可以借手信既機會同佢接近距離！

過左幾日，我同三位朋友飛左過台北。其中一個晚晚既重點活動，就係去Disco。四條仔梗係去識女仔啦。但顯然我係最唔起勁個個啦。因為我思鄉囉！哈～其實我真係好掛住Christine就真。雖然台北既女仔好既主動又熱情。我個三位朋友當然唔會放過依Ｄ咁既機會啦。但係認真Ｄ講，台北既女仔真係唔錯既。可惜…我好似比人落左降頭咁。只係諗起另一個人。或者咁講啦，如果我見唔返佢，可能真係會好享受同異地既女仔相處既。

我地只係去左三日兩夜。返香港時仲係要坐六點機。所以，唔能夠落機就立即係去搵Christine。當一踏入香港機場後，我第一時間深呼吸左一啖氣。唔知點解香港既空氣特別唔同，或者咁講。香港勝在有Christine啦。我真係好期待第二日去青衣城搵Christine。

到左第二日，大約十二點幾到啦！我起身沖涼、洗頭。然後帶埋手信出門口。手信係乜？其實係少少野食同埋一條手繩。我食完野後就入左青衣搵佢。希望今次可以同佢真正認識啦，雖然天公不做美，但係難唔到我既。自從同Christine相識後，唔知點解？以前真係好討厭落雨天。依家總係對落雨天產生左一份額外既感情。我諗每逢落雨天，令我更加去想起Christine。
今日依程車特別耐咁。可能我好心急見佢啦。但係我又好緊張喎，時不時深呼吸！我諗依個反應都係正常既。因為我真係好想立即見到佢嘛！我緊張到忍唔住打比阿文。但係阿文太多野做所唔得閒同我傾。
我唯有繼續係依一個時間，一個人獨自緊張啦。

去到青衣城，我去到佢銀行門口。但係左望右望，見唔到佢，於是，我忍唔住向銀行職員問下啦？我想起阿威既一句話：我係客嘛。

我：<唔好意思？>
銀行職員：<請問有咩野可以幫到你？>
我：<我想搵你地個位同事Christine！>
銀行職員：<Christine! Sorry！我都係第一日返工！我幫你問一問其他同事。>

有一個我估佢年資比較耐既職員，仲話左佢兩句，我遠處聽到Exchange一詞。

資深職員：<Christine佢琴日掉左上創紀之城喎。有咩野可以幫到？>

唔通話比人聽我溝女咩？我唯有同佢講張信用咭批左未囉！順便問一問定期存款囉。我真係好灰，以為可以邁向一大步之際。又打回原形。
Christine 佢真係天上既女神咁，而我只係地上既凡人。佢係你見到時只係顯一顯靈。然後就會途去無蹤。緣份又再一次戲弄我啦。

@h_Ku

依一刻，我好想立即打比阿威，不過佢多數都要見客。因為佢係銀行到做投資部到做，一得閒就要打比Ｄ客。所以，我無打比阿威。只係同阿文講。

阿文：＜點呀！送左比人未呀！＞
我：＜>_<～我又衰左啦！＞
阿文：＜吓～佢唔要份禮物呀？＞
我：＜唔係！＞
阿文：＜咁係Ｄ乜野呀？＞
我：＜佢掉左去第二度呀！＞
阿文：＜掉左！咁你咪攞埋去比佢囉！＞
我：＜吓…點攞呀！佢同阿威都係一樣坐寫字樓架？＞
阿文：＜寫字樓、唔鋪呀！唔係咁黑仔呀！＞
我：＜唔通個天都唔鍾意我！＞
阿文：＜唔緊要啦！我諗唔係你諗到咁灰既。＞
我：＜吓…唉…算啦！＞

我隻身走到返觀塘。架42C巴士當經過創紀之城時！真係好有衝動落車。但係當然無啦。無啦啦咁上去，好似好怪。其實我真係無咁既勇氣上去見佢就真。唯有係個窗口度目送座大廈。有時諗諗下，自己真係好無鬼用。無Ｄ男子氣慨。但其實我諗深Ｄ。同Christine 只係幾面之緣。一個陌生男子上人地Office度真係好怪。仲要走去送手信比人。做人真係現實ｄ好。唔通落完雨之後，走去遮一遮人就可以發展出愛情故事咩？你估愛情小說橋段呀！所以，當返到屋企後，我就將原先送比Christine既小食食晒。然後仲諗住掉埋打算送比佢既手繩。而當自己打開左垃圾洞既蓋既時候。諗諗下又好唔捨得。係唔捨得既係Christine。所以，我最終放棄掉左條手繩。仲將佢放左係書枱上。等我晚晚上網時，都可以懷念一下依一段回憶。大約七點半…收到阿文電話。

我：＜喂…＞
阿文：＜大哥…好Ｄ未呀？＞
我：＜其實我無野喎？咁大個人，仲係停留係依Ｄ虛幻情感咩！＞
（講係咁講啫，真係好鬼失望！）
阿文：＜都幾識得自我安慰喎。但係你既經歷真係好特別喎！唔係話忘
　　　　記就忘記到。＞
（=_=””！真係想講粗口， #Q@%#%#!洗唔洗咁應，當然我都會死撐！）
我：＜係就係！你地講得岩。做人真係要面對現實！依個世界點會有咁
　　　順攤既事。＞
阿文：＜等等先…Maggie 有事搵你。＞
Maggie:＜阿Wind！你單野真係好正呀！不過難左少少。放心喎！世事
　　　　　無難事、只怕人心人呀！＞
我：＜算啦…阿嫂…多謝你既鼓勵啦！不如你介紹Ｄ姊妹我識仲好過啦
　　　啦！＞
（通常Ｄ人唔介紹比你，多數都係用依一個理由。）
Maggie：＜我Ｄ姊妹唔岩你架！算啦。等等先，阿文搵你。＞
阿文：＜星期六晚有冇野做？＞
我：＜無呀！仲乜呀！你唔洗陪女咩？＞
阿文：＜唔止係我…連阿威都唔洗陪。HeHe~＞
我：＜唔怪得…好啦…又係沙田呀？＞
阿文：＜梗係啦…＞
到左星期六，我地三兄弟照舊出來，食完飯後，我地通常都會去７仔到買下野飲。然後就係城門河邊吹吹風、同埋吹吹水。

阿威：＜睇來你真係無乜野喎！果然生命力強。經得起風雨呀！＞
我：＜算啦！成世人都不切實際！＞
阿威：＜痴線…你無野呀！愛情就係從不切實際下開始架啦。＞
阿文：＜嘩…我無聽錯呀嘛？竟然出自你把口？＞
我：＜係喎！你鬼上身呀？＞
阿威：＜如果當日Fanny唔係諗住同我一齊？就唔會打動到我啦！佢
　　　　今日就唔會願望成真啦！＞
我：＜妖…你兜咁大個圈讚自己呀！＞
阿文：＜今次我好Buy威哥仔喎…因為我都係差唔多咁！＞
阿威：＜阿文…Give Me Five…. 哈。＞
阿文：＜YEAH!!>
我：＜得得得…兩位大佬。聽住啦…我依家有事宣佈呀！＞
阿威＆阿文：＜吓…＞
我：＜我要忘記Christine ！既然無可能發生既事，不如早Ｄ抽離仲好
　　　過啦。＞
阿威：＜聽住先！＞
阿文：＜同意！＞

其實我都知自己自欺欺人，或者咁講啦。我怕左希望越大、失望越大啦。雖然佢知道我係邊個？而我亦知道佢係邊度返工！咁代表Ｄ乜呢？襯住自己踩得唔係深既時候。就早Ｄ放手仲好過啦。

依件事好快過左兩個多月啦。我並唔係咁切底忘記到Christine。因為我每次經過觀塘時，一定會途經ＯＫ同渣打銀行，所以唔多唔少會有觸景傷情。係十一月份，依一日，我約埋阿文、阿威同埋佢地女朋友再加埋其他朋友一齊去南丫島玩。我地約左九點鐘要到港外線碼頭。於是我就係八點鐘去到101觀塘巴士總站踏去車。一上車我通常我會坐係樓上座位左邊頭二行窗口位。依個係我既習慣！架車就來開之際，我見到有個女仔係遠處走來追巴士。我仲快眼望以為係Christine，但無理由呀！Christine 係長直髮。但係依個女仔都係，不過電左頭髮喎。當越走越近既時候！我個心跳左出來。因為我無睇錯。佢的確係Christine 。我同佢又第四次相遇。今次我真係唔可以再一次向現實低頭。而係向自己感覺低頭。結果佢上到架巴士。我就好期待快Ｄ上來，可惜等左約三分鐘，巴士都轉左個彎，仍然都未見佢上來。於是我就行落下面Ｏ個一層搵佢！噢……唔怪得啦！原來……

@h_Ku

原來……佢八達通有無晒錢，我聽到佢同司機講話只係得張一百蚊。而司機既態度唔係咁好。仲叫佢企埋一邊。唔好阻住磈鏡。我當然好主動咁行埋去啦。

我：<司機，唔洗咁惡既!人地都唔想。等我幫你比啦。>
Christine：^_^ <唔該晒你呀!>
我：<算D乜野呀。>

我有D想問個司機可唔可以找錢，因為我放左十蚊入去。但係有女仔係度我梗係唔可以咁失禮啦。唔知點解？我同佢既見面，總係大多數係好徬徨無助既時間之下。就會出一出現。而我同佢都會幫一幫對方。今次見返佢，我真係有少少做左英雄既感覺。或者，可能我已經成為佢心目中既英雄呢？我同佢一齊上左樓上坐。今次架車唔會只係得單邊位啦
。

我：<依…你仲乜咁早既?>
Christine：<唔好提啦…今日要去promo Credit Card，仲要去到中
環。你呢？咁早既？>
我：<約左朋友去南丫島玩。>
Christine：<你就好啦! 我都好想放假去玩呀。>
我：<我間唔中都會同D朋友去離島玩架，你唔介意下次叫埋你囉。>
Christine：<好呀…我無乜所謂。>
(當聽完佢咁講，我真係好開心^^)
我：<依…你住邊架？>
Christine：<藍田匯景花園!>
我：<咁點解唔搭地鐵或者603既？>
Christine：<我阿姐叫我早少少出門口去開源道間分行攞少少野比佢

喎。>
我：<唔怪得。>
Christine：<我又大頭蝦，八達通無錢又唔記得左，身上又無散紙。得

張五百同一百蚊。好彩遇到你渣。>
我：<算D乜啦! 我同你都幾有緣喎!>
(其實有少少肉赤，無理由益九巴。我都係一個算係幾孤寒既人。^^>
Christine :<係囉…觀塘都好大下。仲返返下工都撞到。>
我：<哈哈，我都估唔到呀! 依……你電左頭髮喎？>
Christine：<係呀! 係唔係唔好睇呀？>
我：<梗係唔係啦，好好睇呀! 仲好襯你添。>
Christine：^_^ (佢有少少面紅^^)
我：<我返到來香港時，真係有買過手信心你架。但係你轉左Office呀!>
Christine：<係呀!乜我無同你講埋咩？我講左話我遲D咪唔洗咁早返工

囉。>
(=___=””” 點會知道原來係依個意思!當然我好有風度。)

我：<哈哈哈…原來係咁既意思呀!我以為你唔洗咁早返工添。點解會

掉既。>
Christine：<我個職位係咁，成日轉DEPT。我係個半個月會轉去投

資部呀!>
我：<吓…咁快會知。>
Christine：<參唔多啦…你做咩架？>
我：<我做物流架。>
Christine：<做左好耐架。>
我：<係呀! 今年岩岩十年。>
Christine：<嘩…你咪好大個。個樣唔似喎。>
我：<我十八歲就入行架啦。所以讀書唔多。>
Christine：<吓…有乜所謂呀!讀到書又好，讀唔到書都好，最緊要心地

善良。我覺得你係一個好人。>

(我有少少唔自然，其實係飄飄然就真)
我：<我又唔覺喎。星期六我從來唔買旗架喎。>
Christine：<哈哈…咁都唔代表d唔係好人呀! 記得第一次見同你見面

時，其實我真係好無助同埋徬徨架。我當時入去渣打襟

錢。一出來就係好大雨。真係知點算。只係見到D人擔住

把”姐”，走來走去。我等左成十五分鐘都D雨都無細過呀!

我諗住打比屋企人叫佢來接我架。點知你肯遮埋我喎! 如

果你唔好一個好人，又點會咁做呢？>

當聽到Christine講返當晚情景，我內心特別有一種味道! 係咩野味道？當然係甜啦。我mei mei咀係度笑。只係做過一件舉手之勞既事。能夠成為一份咁美好既回憶。

@h_Ku

我：<你唔好咁講我!我會怕醜架。^O^>
Christine：<哈哈哈…做得出怕咩認喎! Anyway 真係好多謝你。>
我：<係喎! 你係銀行做左好耐呀!>
Christine：<唔係呀! 做左年半啦!>
我：<你岩岩畢業就入去做？>
Christine：<嗯…>
我：<你係大學時讀邊一科？>
Christine：<我係CU 度讀Quantitative Finance>
我：<吓…咁犀利呀!>
Christine：<又幾呀! 香港讀大學咪HEA住咁讀。>

其實我唔知係咩來？只係聽到CU兩個字咪覺得犀利囉。
唔知點解我同佢傾計好似識左好耐咁。或者我地既相識係大家落緊難既時間，突然幫左大家一把。依D算唔算叫做患難見真情。所以我好大膽問左一個問題。^^

我：<雖然係啫。起碼都入度U啦。仲係CU喎。係喎？你份工忙唔忙

呀？>
Christine：<唔定喎…不過乜都要做囉。依家我咪得閒囉。>
我：<咁你今日返工，你男朋友唔炸你型咩？>
Christine：<吓……男朋友! 依家我無拍拖啦! 出來做野圈子細左，好難

搵度好男人。家下D好男人絶晒種架啦。>
我：<又唔好灰! 世事無絶對既。>
Christine：<你唔明架啦。>
我：<唔拍拖都可以搵D朋友出來玩架。好似我咁架。>
Christine：<自從出來做左野之後，D好朋友又拍晒拖，真係好難去約

人出來。你都知女仔成日都係會想人陪。 : ( >
我：<如果你唔介意既話，悶可以搵我架! ^^ >
Christine：<好呀! 我好多時都好悶。>
我：<我都係架。^^ >

就咁我就同佢交換左電話。今次既相遇來得自然同巧合! 或者，我接二咁係最需要既時間出現，的確能夠得到佢一份既信任。我同佢傾到中環匯豐銀行個站。就一齊落左車。然後就道別啦。今次道別我無唔捨得既感覺!因為，我相信可以仲有見面既機會。總算誇出相識既第一步。世事就係咁架啦，以為自己失望而回、忘記佢之際。偏偏天降返個女神比我。我對佢既感覺又返返晒來。我一路行去港外線碼頭，就SEND 左一個SMS 比佢：<估唔到咁都撞得返!Anyway~好開心識到你依個朋友。> 唔夠一陣，就收到佢既回覆：<講樣野你聽啦？我其實唔記得你叫咩野名。不過我會記住架啦^^!!> 睇完，我真係有一種會心微笑呀! 佢特登記住我個名呀! 唔知點解？真愛真係好簡單，只要對方有做D野關於你自己，你都會好開心架。^^ 依一D就係愛情既吸引力! 我腦海中不停充滿左好多不切實際既幻想。只係不停諗起佢個人，但又唔具體喎。成個人好似有精神病咁，成成日係到笑。唔知道中環D賓賓見到我。會唔會覺得香港既男仔係傻既呢？唔緊要啦。佢地點睇我真係一D都唔重要。最重要係Christine依一刻充滿係我個腦海入面。無人能夠侵占我依一刻既幻想! 行左一陣，突然間有人拍我。

嘉祺：<喂~>
我：<依…嘉祺咁岩既。去邊呀!>
嘉祺：<約左你囉~>
我：<你又同我去南丫島呀! 無諗過你會去喎。>
嘉祺：<忙都要透下氣架啦。>

嘉祺係阿威既大學同學，阿威係24歲仔就已經係去完英國完成左碩士學位返來。任職銀行投資部。不過唔係大行。相反，嘉祺由於係一個極聰明能幹既人。佢讀完書就入左一間全港最有名既銀行。三年後就已經係銀行投資部入面話到事。佢既事我都係從阿威口中得知。嘉祺亦係一個好低調既人。從來都唔會誇耀自己既才幹。所以同佢相處時，雖然自己既成就好低。但係亦唔會覺得被人睇唔起。見到佢出現，我真係感到突然! 比佢打斷左我對Christine 既幻想添。^^ Christine…. 你行下街先啦。我一陣搵返你呀! 哈哈哈…真係好傻呀!

@h_Ku

我好耐都未試過咁開心啦。由於有其他人係度既關係，當我見到阿威、阿文時，並無同佢地講再度重遇Christine。但我點會暪得過佢地啦。
不過佢地可能人多，所以無來質問我。我地行到約五點鐘就出來! 然後就去左佐敦食埋飯，大約食到約未到八點半度，就散啦。我搭小巴返觀塘。收到由Christine打來既電話。

我：<喂…>
Christine：<Wind 呀!你知唔知邊度我係邊個呀?>
我：<梗係知啦! 做咩野？>
Christine ：<無乜特別! 你係街呀？>
我：<係呀~>
Christine：<咁無野啦 >
我：<仲咩野呀？講來聽下啦。>
Christine：<我忽然間好想去觀塘度食糖水。你都唔得閒，下次先啦。>
我：<唓! 我家下搭車返緊觀塘呀!>
Christine：<但係!我仲係銅鑼灣喎。你怕唔怕夜呀?>
我：<傻啦…點會怕呢？你到觀塘時打比我啦。>
Christine：<好啦…一陣見啦^^!>

當同佢講完電話後，死喇…我係唔係發緊夢呀？我自己都有點難以置信。我搭緊車既時候，仲係度諗緊點開口約佢出來。本來由早上充滿著滿心既希望，突然間又開始充滿著忐忑不安既心情。情緒化有時唔係女人既專利。男人有時係唔清楚自己點做時。一樣會係咁。不過，Christine 既電話後，我就已經一掃擔憂既感受啦! 因為，我同Christine即將會有第一次既約會。

去到觀塘，我第一時間就左去APM。去APM 做乜？買禮物送比人呢?梗係唔係啦。我只係想去一去厠所啫。第一當然係放水先啦。第二只係照一照鏡。睇下自己整唔整齊。不過個頭髮有少少亂。好彩自己去南丫島時特登帶多件衫去換。如果唔係第一次見面就比到唔好印象人啦。世事就係咁巧洽架啦。所以人地話，機會係突然其來，你一定要做足充足既準備去迎接。唔知我算唔算合格呢？但係照照下鏡時，內心既自卑感突然間出左來。我覺得襯佢唔起。佢既樣，一行出街就一定會大把人望。不肥不瘦既身型。簡直係好多男士既必選。我呢？瘦身材，成個道友咁!
正係外表真係可以吸引度人既，不過係差人。性格又粗魯、為人孤寒。
時不時都用粗口孝敬D熟人。我兩位好兄弟受唔少。一個又無學歷、又能力，都唔緊要，最緊要係財力。真係諗諗下個人都DOWN DOWN 地咁。如果，有一個神仙係個厠所到出現既話。比三個願望我。唔係係四個先岩…我會選擇：學歷、能力、財力。再加埋Christine 啦。算啦…現實D好。依個時候! 電話就響起。係Christine打來。

我：<你到左啦。>
Christine：<係呀! 你係邊呀!>
我：<APM 呀! >
Christine：<依…實在太好啦。我仲想起HXO 到買野。>
我：<咁呀! 我係門口等你啦。>
Christine：<好呀! ^^>

我係食市個曾搭扶手電梯落去。當然好緊張啦。落到HXO 個一層時，我遠處已經見到佢。可惜佢仲未見到我。我就係買牛仔褲鋪頭到企係度等佢行埋來。佢每行一步、我心就會跳一下。佢越來越近、越來越我啦。我真係緊張到暈呀。個心跳左出來咁。我講得好似好誇張咁，其實我覺得一D都唔誇張! 當你對一個人有感覺時，尤其係處身係單方面時，依種感覺就好真實架啦。尤其係我依D情景添。由一種無望變為重燃希望! 同一日內，能夠遇返佢，同一日仲同佢單獨見面。依一刻既感受真係非筆墨可以形容! 佢見到我啦，仲對住我笑一笑，面上係個小酒”粒”。不過唔係成日會出現。只係某一個表情或者笑容下先見到。

Christine：<唔好意思呀! 咁夜叫你出來，仲要你等。>
我：<吓……我平時先係岩岩醒渣。>
Christine ：<HEHE…我發覺你都好鍾意吹水喎。>
我：<吹水太過容易。我唔會吹架。我平時吹開牛架。>
Christine：<依…好爛呀!我要去HXO。行囉…>


其實我唔知咩野叫爛GAG。直至依件事後我第二日問D同事先知咩野來？我去到HXO 門口。就企左係門口等佢。因為我唔知咁! 我真係唔係太多拍拖經驗。我見佢同佢SALES 講野。問得好詳細。而佢亦好留心聽SALES 講解。我係遠處望緊佢。好似發緊夢咁。可能到今日我都仲未接受到依個事實啦。佢買完野行出來。

Christine：<你好悶呀？>
我：(令令頭> <唔係呀! 不過我好少同女仔單獨去街。>
Chirsitne：<扮野啦…香港男仔點會咁架。>
我：<我無扮野架。我除左同我D兄弟出來。根本就唔會出街。>
Christine：<哈哈…得啦。解釋既係掩飾呀!>
我：=__=”” <我諗…我依D叫唔識呀! 唔識點答你呀!>
Christine：<HEHE……你又來搞GAG 啦。>
我：<係喎…想食去邊度食糖水呀!>
Christine：<我想食D凍D…不如我地去許X山囉。>
我：<好呀!>

@h_Ku

於是我地兩個就去許X山。沿途，我都不停同佢有講有笑。我問佢：你企左成日累唔累呀？今日申請得多唔多咭呀? 我地大家好似識左好耐咁。唔似岩岩識既朋友。或者咁講？可能我對佢特別上心。所以，佢每一句話，我都好用心好回應。我地不經不覺就行到許X山。仲要係外面等一陣添。實在太好啦。我又可以同佢對耐多D時間^^。但只係等左約五分鐘到。就已經可以入去。

Christine：<好累呀! 終於可以坐下啦。>
我：<梗係啦!你企左成日呀! 快D食碗糖水潤一潤啦。>

佢望一望、笑左一笑，然後就望玻璃枱上既餐牌。佢望緊餐牌既時候! 我既眼神無離開過佢。直至我見佢就來望完問我食咩野時。我就扮野咁望住個玻璃枱。好彩望得快差少少比佢發現我偷望佢。不過咁，我正面對令一個難題？
就係唔知食D咩野好？因為許X山，樣樣都係廿幾、三十蚊，三十蚊食碗糖水。對面間車仔麵可以成六個餸呀!
結果我快望見到有一樣野比較平，就係西瓜西米撈。不過，我都無揀到，我揀左海底撈野。因為今日開心嘛？為左慶祝我可以見返Christine，今日破例一次啦。

我：<你諗到食咩野未呀？>
Christine：<我諗到啦。>
我：<我都諗到呀! 你要D乜呀？>
Christine：<好耐都無食海底撈野。>
(^^ 真係夾啦~叫埋同一樣野喎。)
我：<^_^ 唔該~>
職員：<要D乜呢？>
我：<兩碗海底撈野啦。>
職：<好…多謝先生先。>
我：<乜你好鍾意食糖水咩？>
Christine：<好辛苦個日，通常都會食糖水。食完個人會開心D!>
我：<你唔怕肥咩？>
Christine：<怕呀~咩野唔怕呀! 不過食完先算啦。>

(我突然電話響起~原來係阿威~)

我：<喂…>
阿威：<你仲未返屋企呀?>
我：<係呀…我唔得閒，夜D搵你呀!>
阿威：<哦…>

唔夠分半鐘…到阿文打來。

我：<喂…>
阿文：<仲未返屋企呀？>
我：<係呀…夜D搵你呀?>
阿文：<吓…依家唔講得咩？>
我：<係呀~ 夜D搵你啦! >

(跟住就CUT 線…)

跟進唔係30秒…今次又係阿文既來電，但係原來電話入面仲有阿威係度添。

我：<仲乜野呀?>
阿威：<快D講約左邊個？>
阿文：<咪就係…無事不可對人言。>

我示意比Christine聽…我要出一出去傾電話。當行到出去門口。我立即贈左D說話孝敬D兄弟。

我：<仲乜鬼野呀？>
阿威：<Wind 哥…你快D講，約左邊個？>
阿文：<坦白從寬呀!>
我：<唉…好煩，講啦講啦~我今朝坐車約你地前，見返女神呀!依家同佢食緊糖水呀!>
阿威：<嘩…咁喉琴既。第一日撞返去食糖。>
阿文：<你一係就怕怕醜醜、一出手果然夠勁呀!!>
阿威：<唔理你…我同阿文夜一夜都等你電話呀!>
我：<OK!!>

@h_Ku

我就行返入去坐底，見到Christine 對住我Mei Mei咀笑。

我：^_^(唔好意思…>
Christine：<仲咩野呀! 無打比女朋友炸你型呀!>
我：<吓…無玩啦。我都無拍拖。>
Christine：< D 男人係咁架喎。自己鍾意人又唔敢認。仲口不對心過D女人。>
(死啦…佢係唔係講緊我對佢？>
我：<唔明?>
Christine：<吓…夜媽媽？只有女仔先會咁CHECK 住D男仔去邊架。證明個女仔好鍾意你。

你真係鍾意人，咪同人講清楚囉。唔好好似我咁無人要？>
我：< -_+”你D想像力都好豐富喎？正話係兩個男人打來搵我。你唔好諗得咁複習啦。>
Christine:<你講真架？乜男人都會咁既咩？>

我就由同阿威阿文既相識既事講晒比佢聽。我同阿威、阿文相識係1997年。當時佢地岩岩讀完F.7。而我就做出來做左約二年野。當時仲未做物流。依一年我發生左一件事，有一位曾經係我讀工業學院(依家叫IVE) 時既學生輔導主任因為癌症而去世。佢係我人生既啓蒙老師。當得知佢既離去後，內心真係好難受。無幾耐，無啦啦上到一個網頁，見到一間專係為癌症病人服務既機構招募義工。於我就立即走打電話想去參加。後來依個機構就將我PASS 左去一間中心。而地點係沙田，我就係入面識相識阿威阿文。起初，我好討厭阿威、因為佢份人牙擦擦、自以為是。而阿文就比較內儉少少。所以，我對佢無乜咁討厭! 由於阿威同阿文都係由中學已經識。所以，佢地之間感情好好。
後來，由一次係條街到同阿威相遇後。我迫住扮無野傾計，但發覺我咁咀型。而且開始由一個壞印象變為好好。加上我同阿威既興趣性格都較為相近。慢慢就阿威對我份外熱情。而阿文就越來越唔鍾意我咁。佢覺得阿威成日搵我，少搵左佢。當時我覺得好似界入左一對情侶既感情咁。不過，隨著我地三人係成日見，同埋一齊係醫管局同中心訓練! 阿文亦都好似阿威咁漸漸咁接納我。經過年月、經歷後。慢慢我地就建立左一份深厚既感情。我地已經唔係一般好朋友，而係兄弟。由於，我年紀比佢地大一年。而阿威就第二、阿文就係最細。所以佢地通常都會叫做大佬。Christine 聽得好入神。唔知咩原因呢？

我：<我講既野悶親你呀？>
Christine：<吓…梗係唔係啦。我無諗過男人都可以咁。真係好難得。>
我：<唔好意思，無啦啦講左我D無聊野你聽添。>
Christine：<唔無聊呀! 我好耐都無聽人講依D野啦。>
我：<嗯!>

唔知點解…Christine內心藏著好多既秘密咁。我都好想知道佢既生活係點？但我無追，始終未去到太熟。

Christine ：<走啦…>
(佢拎起張單)
我：<不如等我請啦。>
Christine：<唔得……今日你幫我比錢搭車，我都未比返錢你呀!依一餐當我請你呀!

當無數呀？>
我：<吓…好似唔係太好咁。>
Christine ：<得啦^^)

聽完依一句話，我內心真係有少少唔開心同埋失望。唔知佢會唔會因為唔想欠我，所以請我食呢？或者我太緊張Christine比我既任何一個反應。

Christine：<好飽呀!>
我：<係囉…>
Christine：<幾點呀？>
我：<都十點就來四十五啦!>
Christine ：<嘩…我地坐左咁耐啦。咁都唔比人趕。>
我：<不如我送你返去啦？>
Christine：<吓~咁早，唔洗啦。我屋企度好安全架。>
我：<咁~我送你去搭車啦。>
Christine：<^^ 咁好啦…我去搭地鐵呀!>

就咁我就送左佢去搭地鐵啦。佢入閘同我揮手BYE BYE時，依個片段好似攝左入我個腦咁。停留係我腦入面。
今日好開心，但係有D唔舒得。因為開心既時刻過得特別快。我由觀塘地鐵站行去搭車途中，我SEND左個SMS比佢。
<無諗過你會搵我陪你食糖水，真係好係開心! 多謝你成晚聽我講野？返到屋企後SEND 個SMS 報平安。>
佢又回返我…
<我唔好意思就真，無人陪搵你陪。ANYWAY ! 多謝你! 你自己都小心D TAKE CARE!>
我返到屋企附近，終於收到佢既SMS!
<^^我返到屋企啦。你放心啦。同你好好傾呀~你悶都可以搵下我架!>
睇完個SMS，我真係開心到笑左出來。真係好似發緊夢咁。

@h_Ku

我返到屋企，跟住就打比阿威報喜。我覺得開心既野一定搵人分享同見證。

阿威：<捨得打來啦。^^ 但係我講緊喎。>
我：<咁我唔阻你啦。>
阿威：<我都未講完。我講緊你喎…>
我：(疑惑) < 阿文係你隔離呀!>
阿威：<當然啦~古古怪怪。唔講你講邊個啦。等等啦~~>
阿文：<依~ 大佬…返來啦。Welcome Back~~>
我：<=_=”” 多謝先呀~ 你地有咩野想同問我呀？>
阿威：<你條死啦…你應該要同我地講咩野先岩呀!係南丫島坐坐下船都係度笑，識你咁耐，一睇就知有古怪。>
阿文：<唔~~講得岩!!>

我將見返Christine 既事，一五一十咁講晒d事比佢地聽。佢聽完都覺得難以置信。我咪又係一樣。或者咁講啦。
我地依份既兄弟情，就係你最需要人既時間，總會不離不棄咁。雖然有時都會搵你來講笑。但背後當係出自一份關心啦。

阿威：<阿文哥仔!但係你大佬Wind哥既事，又再一次比我既中。仲話放棄！>
阿文：<你又唔話人，大佬佢都無諗住會同人一齊。只係話撞返佢啫!>
我：<=.=” 夠啦~ 對於我上次係城門河所講既野。我會完完全全收返。>
阿威：<OKOK~ 我尊重你決定，話時話喎。佢都有D本事喎。通常依D成日掉既職位升職升得好快。>
我：<係架! 我淨係知佢讀完CU…咩CON 咩FINANICE，之後就佢間行度做左年半啦。＞
阿威：＜CON 你條毛咩…CONDOM 呀！Quantitative Finance呀！＞　
我：＜係呀～係呀！＞
阿威：＜叫Ｑ你讀多好Ｄ英文架啦。條Ｏ靚妹都有Ｄ料度喎。好怪難入，Ｄ尖子先入度喎。＞
我：＜吓～係既咩。＞
阿威：＜嘩～係入面度出親來都係碼２皮幾野，好彩三皮都有添。搵錢多過你喎。你擔唔擔心襯唔起人呀！＞

比佢講完，真係嚇左一跳。我仲以為Ｄ普通學科。家下Ｄ大學生出度來都只係搵個九千至一萬蚊度。原來Christine來頭都好唔簡單喎。
我真係對依家個社會一Ｄ都唔認識！仲係落伍添。

阿文：＜又唔可以咁講既～我覺得真係鍾意一個人，係唔會計較既。大佬～唔好咁灰心，去馬呀！＞
阿威：＜係兄弟我先咁直既啫…佢家下就來掉去投資部。無啦啦同叫你出來，無啦啦又進展咁快。你又同佢唔係太熟，
　　　　佢可能混熟你，然後叫你去投資呢？點會咁順攤啦。＞
阿文：＜依～威哥，你講既野又唔係無point喎。＞
阿威：＜大佬呀！我食依一行飯架，依Ｄ事成日都發架啦，你睇下旺角做問卷ＤO靚妹。識完你之後會點？＞
我：＜唉～岩既～聽你咁講，我真係要理性Ｄ先得。世事真係無咁完美。我都眼訓啦，聽日先再講啦。＞

同佢地講完之後，我就去沖涼，之後就去訓教啦。不過我真訓唔著，臨訓前想起同Christine好多既片段，我成晚都輾轉反側！腦海亦不停聽到：＜佢可能混熟你，然後叫你去投資呢？點會咁順攤啦…＞　阿威既說話雖然聽完之後真係令我好唔開心。但係亦有幾翻道理。畢竟我識左佢十年，而Christine只係見四次面。琴日先係第一次先叫做相識。試問我點可能唔相信阿威既說話呢！
我形容唔到自己既心情，只係知道我又再一次失望！

@h_Ku

第二朝～我好早起身返工，成晚都無訓過。到九點正式開工後，整個人都好做唔到野。心神彷彿！上司每次叫我！都要兩次或以上，我先有反應比返佢。真係唔似我平時。整個人都唔投入。所以，我覺得時間過得特別慢。我好辛苦先捱到十一點半，但係Ｄ文件打都未打過，只係聽到Ｄ電話不停追來：Ｄ野有未呀？等左好耐啦！　我仍然好漫不經心。只係抱住依一種既態度：＜你咪等下囉！＞做做下野，突然間收到Christine 既SMS：

＜鳴鳴～我比客係電話鬧呀！你有冇比Ｄ客鬧你呀！：（　＞

我望一望完，嬲霸霸將個電話放返入個櫃桶。個心係度諗：＜SEND來仲乜啦？好熟呀？＞但係唔夠五分鐘到啦。我既態度有少少轉變左，個心時不時心掛掛，想打開個櫃桶，但係又襟住左喎。但係總比左好多好似理由比自己咁：＜或者佢可能好想有人關心啦？咪當吓關心朋友。＞好似想個盡辦法說服自己要SEND 個SMS比人。最後，點能抵擋度啦。終於我忍唔住就係個櫃桶到攞返個電話SEND返比佢。但係SEND比之前，我去問左我後面位同事一個問題。

我：＜喂～有Ｄ野想問你呀？咩野叫爛GAG呀？＞
同事：＜爛GAG意思，大慨既意思我都好難具體講。我既理解係懶好笑咁囉。＞
我：＜唔明？＞

於是佢講左幾個例子比我聽，我終於明白啦。於是就SEND左比佢啦：

＜唔好唔開心啦…你咪當佢搞佢爛GAG囉。無鬼理佢、當佢吹牛。^^＞

過左一陣，我又收返佢既回訊：

＜吹牛係你既專利來架！我平時只係吹開水渣。我唔講住啦。我要做野!Anyway～多謝你關心。我好好啦^^>

哈～佢竟然記得我既爛GAG。我睇完只係覺得好好笑。又未到一種好開心好甜既感覺。始終，阿威既說話對我有一定既影響力！內心對Christine 多左一道防線。但係佢既SMS的確比到改變我既！我成朝都無同任何人講過野。只係唔出聲係個位度。咩野人都想唔理。但係Christine一個既SMS。令到我將注視自己既感受轉移到佢身上。同埋因為佢既緣故，我就主動聊Ｄ同事傾下話。唉～感情真係好複雜！竟然對住同一個人。可以有兩種反應。有時我發覺堂堂一個男人，有時當鍾意起一個人既時候！內心世界同女人都係一樣無乜分別。個口話唔想見唔會做架？但係個心呢？只要佢肯主動少少，你就會可以推返晒自己所講既野。或者～只係我個人容易心軟啫。未必係男人係咁既。

好辛苦終於等到放工，依個時候～我諗起一個人，唔係Christine、唔係阿威、阿文。係一個令我可以暢所欲言既紅顏知己。佢叫阿靜。

阿靜：＜阿Wind~點呀？>
我：＜阿靜～好耐無見啦？最近點呀？＞
阿靜：＜無乜太大特別啦？你呢？把聲好死喎。＞
我：＜係呀～我有煩惱呀！＞
阿靜：＜你唔係同我講有對象呀？＞
我：＜哈（苦笑）～我今日真係無搵錯人去。＞
阿靜：＜咁就要洗耳恭聽！＞

我覺得真係要買部錄音機先。我發覺當我講到有對象時。Ｄ朋友總係要我由頭到尾講一次。不過，講起Christine相遇既事。真係唔介意講好多次。因為，越講、我都會越回味。

阿靜：＜嘩～好特別呀！咁既事都會有既。＞
我：＜就係因為特別，我先咁難忘。＞
阿靜：＜阿Wind呀!你介唔介意聽我既諗法呀？＞
我：＜當然唔介意啦。我打來都係想聽下你點講？＞
阿靜：＜我覺得感情唔好可以太過計較得失；結果。鍾意一個人點可以咁猜疑別人架？＞
我：＜但係…＞
阿靜：＜但係咩野呀！萬一發生左阿威咁講，你會點？你會好傷嘛！感情係要博架、係要好任性去做呀！無任何計算、只係想做就去做，
　　　　就算真係發生左，唔需要向別人交代。因為只有你自己先可以擔承一切結果，可能好痛？但係你係有開心過嘛。＞
我：＜阿靜呀！同你講完，我知道自己應該點知。我清晰晒啦。仲舒服左好多添。＞
阿靜：＜阿Wind呀！講多一句啦～感情係你就係你。真係來時，你擋都擋唔住呀！女人只係相信自己既感覺！如果佢真係對你有感覺。佢一
　　　　定唔會計較你既一切。唔好自卑！一切順其自然啦。＞

同阿靜講完，真係舒服左好多。我內心既情緒一下子釋放晒出來。從佢既對話，佢好明白我、了解我既狀況！仲可以將一Ｄ我自己潛在既問題，都可以發掘出來，而且加以鼓勵！真係得到佢好大既鼓舞！朋友真係好重要。同佢講完之後，我立即SEND左個SMS比我兩個兄弟，雖然阿靜話唔需要理人點睇，但係我真係好在意佢地既諗法，好想佢地都可以support 我。

＜兄弟…無論發生咩野事都好，我知道你地會係我身邊支持我。陪我走！讓我既跟隨我既感覺走一次。或者咁我可能更舒服！＞

我知阿文會支持我，反而，我就好擔心阿威佢點睇！因為我地相識咁耐好少持相反意見。我收到佢既回應，真係令我好感動。

＜大佬想掂就掂，做兄弟一定會全力支持你既！＞

我感到好意外，連阿威都講Ｄ咁既野，依一刻既我真係放下晒心頭大石。全心全意去投入對Christine既感覺。
過左大約個半鐘度啦～Christine打左個電話比我。問我星期六有冇街去。佢打得來真係合時，正當我心大心細，仲係度諗緊點處依件事時。一切問題已經解開晒。仲要問既？我點會推呀。^^

la^jo

LZ，期待你的故事。。

@h_Ku

係依個星期一至四，我同Christine係返工既時間都會有每日一短訊。而當佢放工後都開始會比個電話比我。死啦，我覺得自己越踩越深，每日返工好期望放工。打工仔邊個唔係咁架啦？以往放工都係無乜人生目標。只係返屋企上下網。同阿威、阿文出來吹下水。所以，有時候咁無聊既時候，我寧願多Ｄ野做。OＴ仲好過啦。當然唔好日日咁啦。係101巴士站重遇Christine之後？我人生好似多了一個目標。整個人好有希望同埋動力。

今日係星期五，放工後大約一個鐘度啦。第一個打來竟然係阿文。真係有D突然!

我：＜點呀～你依個鐘數唔洗陪女咩！＞
阿文：＜哈哈～今日佢要返學。我行一陣就去接佢放學囉。＞
我：＜=_=” 妖…你又搵我攝時間呀！＞
阿文：＜係呀~你點知架。今日有冇收到Christine短訊呀、佢又有冇打來呀！^^＞
我：＜吓…電話就無，SMS就有既。＞
阿文：＜睇來你同Christine都好事近啦。＞
我：＜點解咁講呢？我又唔覺得喎！街又未去過，傾下電話、SMS啫＞
阿文：＜我諗返起～我同Maggie 蘊釀時期都係咁架！＞
我：＜吓…未聽過，講來聽下？＞

阿文係年頭前度女友係溝通上出現左好多既問題！雖然拍左兩年拖，但係甜蜜既事間只係頭過一個月。我同阿威、阿文既阿爸阿媽都覺得佢似老夫老妻多過拍拖。大約去到九個月幾前…阿文終於頂唔順。好想同佢女朋友分手。只係講唔出口。阿文一讀完Ｕ，就去從事核數工作，係年半前轉左另一間另核數師樓。依份工作成日都要走來走。有時候都會去唔同既國家或者地區。雖然收入好可觀。但係都幾辛苦。所以，佢同佢女朋友講起佢做野既事。佢女朋友只係冷冷淡淡。一句起兩句止。所以阿文寧願同我講佢既野。佢既公司好多既客都係誇越中港上市。所以阿文係依份工作中，就成日要係中港奔波！而阿文係新工作環境中要擔任一個Team Leader既角色。而Maggie就係佢既其中一個下屬。由於佢地工作唔可以有任何出錯同延誤。唔係就會影響到佢地既客比多左稅收或或者比少左稅項而遭到政府既檢控、或者準備上市時既延誤!所以，若果出錯或者延誤，除左失去左D客之餘，亦要倍償。條數係好大。所以壓力好大。有一次，Maggie係工作上犯左個大錯。比佢經理插左佢半個鐘。出到來既時間，佢就係茶水部喊左好耐。阿文見勢色唔對。於是就走入茶水部。

阿文：＜你係度呀？無野呀？＞
Maggie：＜無野呀？係自己無用啫。: ( ＞
阿文：＜都係我唔好，太多野做無幫你望一望。＞
Maggie：＜關你咩野事呀？自己大意啫。今單野都唔知點搞好。唉～＞
阿文：＜我係你阿頭來架。我搞埋少少野。跟住一齊搞掂依單野佢啦。＞
Maggie：＜嗯…唔該你呀!＞

結果依單野阿文同Maggie通頂搞掂。如果唔係佢地公司可能要賠約100萬。所以阿文今次幫左Maggie一個好大既忙。Maggie好感激阿文依次既幫忙。同時間，而阿文方面，由於佢老細對佢既工作量同埋要求越來越高，所產生既壓越來越大。除左工作，阿文亦要keep住去進修考牌，仕途先會越來越好。每次佢係工作唔如意，同女朋友講完之後，佢女友既回應仲只係：做野係咁架？度度都係咁架啦？當自己好想搵人傾，但聽到依D說話，真係幾無癮。佢唯有將自己既困難去同Maggie講。Maggie每次都會仗義去分擔。並且幫佢手一齊諗辦法解決依個問題。所以，阿文好感激Maggie。由於朝夕相對。兩個人對於工作上、生活上，都互相關心、照顧。經歷多左、感情自然會產生左出來。而同女朋友間既矛盾亦日益嚴重、毫無改善!所以，最後就都係分手收場。聽落去好似Maggie係第三者咁。我起初都覺得係，但諗落去又覺得唔可以咁講，就算Maggie出現與否。佢地之間既感情已經出現左好多問題。
分左手後，阿文心情都好失落。畢竟都有成兩年既感情。加上前度女友不段既挽留。阿文更加既痛苦同埋無助。無奈既係唔想自己既生活成日只係一種既形式!所以佢都係果斷同埋決絕。Maggie 見到阿文咁，佢都好難受。因為佢對阿文既愛，從一份感激既開始，到加下已經不能自拔。所以，佢只要阿文開心，佢就開心。佢花左好多時間，心機去關心阿文。希望阿文可以走過唔開心既時間。有一日，阿文因為前女友既事，佢又再一次狠心拒絕左，亦係最後一次同佢前女友既見面。返工公司，想起對前女友既態度，阿文被依一份既好內疚糾纏係佢內心，突然望到張枱有份禮物，原來係紙粘土蛋糕來既。上面寫上＂見到蛋糕就唔苦＂，仲加埋張咭。咭入面寫左”佢放開Ｄ啦，又咩野可以同我講架! 永遠都會關心你既Maggie^^”。我唔係好明＂見到蛋糕就唔苦＂既意思。阿文解釋我聽，原來蛋糕既意思就係等如Maggie。依個紙粘土蛋糕背後，係Maggie用左兩晚無訓既時間，親手整比佢。聽到既時間，我覺得好Sweet!依一件只係其中一件事，原來每當阿文下屬做錯野。佢經理就會插得佢既好勁。阿文都好慘下，唔單止要承受自己既錯。還要承受埋佢下屬既錯。雖然佢既職位係要承擔依Ｄ既責任。但係人始終都有感受！每當發生依Ｄ事後，Maggie 就會偷偷地放一粒糖係佢個位度。比佢知道世界上唔止苦既味道！還有甜架。等佢沖淡依D既唔好受

@h_Ku

我：＜佢都好鬼細心同浪漫喎！＞
阿文：＜係呀！我咁大個人，女朋友都有幾個，雖然之前個個都好好，不過從來只係要

我體貼佢。而Maggie可以係我最辛苦既時間都會係我身邊支持我、關心我呀！＞
我：＜喂~文哥，你都好九唔搭八喎，聽落去都唔知同我有咩野關係?＞
阿文：＜關…咩野唔關呀！蘊釀真係好開心架。你同佢開始互相關心對方。已經係一個

蘊釀感情既第一步啦。＞

聽落都有幾返道理。
其實當知道阿文分手時，我同阿威都有少少怪阿文。覺得佢好有問題！無啦啦仲乜鬼同人分手呢。加上我地同阿文前女友關係好好。唔多唔少都會有Ｄ感情分係入面。所以阿文唔敢同我講Maggie既事。當然我同阿威只係放係內心。並無向阿文直接反映。但係第一次見阿文個女朋友時，由於阿威知道佢拖住個新女朋友出來見我地。所以借意推左阿文。阿文當然係FEEL度。諗返起當時岩岩開始既佢都幾辛苦，我地做兄弟既。唔單止無同佢分擔工作既苦、生活既困難，反而令到佢更加重左佢既煩惱！我真係有少少內疚。雖然平時我同阿文講講下電話時，Maggie都會搭一兩句咀。但顯然我就只係好求奇咁同佢吹一句起、兩句止就完。畢竟係我心目中阿文前女友先至係我心目中既弟婦。聽完阿文講完Maggie既事後，我開始對Maggie既產生左一份好感。因為佢對阿文既關心比我同阿威做得更好，更加體貼。阿文…對唔住呀!做大佬係依個時間無好好關心你。

同阿文收線之後，一個人獨自係條街到行，不停回味緊阿文既愛情故事!亦不停望一望個手機。原來都八點幾，Christine好多時都會依個鐘數打來。但佢仲未打來，唔知點解，依一刻。我特别份外想起Christine。可能係阿文既故事實在太Sweet啦，令我都好想有同一種經歷係我身上。由於，心掛掛既感覺越來越強，所以，我終於忍唔住想send 個短訊比Christine。打打下~想襟SEND 之際。電話響起~Christine終於打來。

我：<點呀?返工啦？>
Christine：<唉……好累呀!>
我：<今日聽左好多個電話呀？>
Christine：<係呀!唔知點解今日特別多人食咭呀？我估D 機好肚餓呀! >.< !! >
我：<哈哈~~我發覺原來你D GAG 仲爛過我呀!>
Christine：< >.< 咁係吖嘛! 你係邊呀？>
我：<係觀塘囉! 你食左野未呀?>
Christine：<未呀？>
我：<我都未食野呀!不如我陪你食D野啦。>
Christine：<唔得呀。屋企人留左飯呀!>
我：<咁你不如早D返屋企食飯，跟住早D休息啦。>
Christine：<嗯!! 咁你要記住食野，唔好餓親呀!>
(嘩~我聽到依句話時，即刻甜笑左出來!)
我：<嗯! 不如你都休息一下先啦。夜D先搵我約聽日點啦!>
Christine：<咁好啦! ^^>

聽完電話後，真係好開心，我難以形容依一種既興奮!我突然間想起阿文既話，我同Christine係唔係蘊釀緊呢？我一路行、一路諗!唉…你唔好咁開心住啦。你無D咁既福份。Christine條件真係實在太好。咁又係既，世界上真係冇童話故事，唔好比自己抱咁大希望。

係十一點半度，收到Christine既電話。原來佢聽日全日放假。但係要去整一整頭髮。
所以要六點先出到來。唔知係唔係為左見我而整呢？我又妄想啦~於是我同佢講我買定飛等佢睇戲啦。佢開心到不得了，佢仲話我聽好耐無睇過戲。唔知佢係唔係氹我開心呢。講左一陣，聽到Christine把聲真係好累。我都唔想佢辛苦。所以，就約完時間就收左線。我send 左個短訊比佢：
<聽日天氣凍左，著多件衫，TAKE CARE !>

Christine 亦好快回返我：
<咁你快D走……我咪唔洗咁凍囉!>

我唔係好明，所以回覆返佢：
<唔明呀? 點解我走你會唔洗咁凍既。>

佢又回應我：
<天文台話掛東北季候風嘛…你係阿WIND嘛~ 所以你走咪唔凍囉~呵呵!>

睇完之後…我笑左出來。傻妹~

於是我又返比佢：
< =.=”爛GAG皇后!唔好傾啦!你好累啦。冚返張被早D訓。>

佢又再回返過來：
<你好似我爸爸呀! 知道啦爸爸……晚安!^^>

我睇完又睇返佢既SMS，來回睇左好多次。包括之前同佢果D~
我真係好想D時間快D過呀!於是，我急不及待上床訓覺。但係我既心情點會訓得著呢!
我又再次為Christine失眠。於是起身，想走佢書枱到開電腦。醒起一件事…原來我未送手信比Christine喎。不如聽日送比佢先…

@h_Ku

到左星期六，天氣真係凍左，我有點唔願落床，但係Christine想睇戲，就成為左我既最大動力。終於就克服左依個難關。真係好凍呀!之後我立即進行左一項好大既工程。
先刷牙，照鏡見到有D蘇根喎。當然要剃左啦。而我仲未去問阿妹借個Mask，仲要係保濕個隻。佢比左隻F牌GiGi做代言o個間我。當然世界上係無免費既mask啦。阿妹要求100蚊一磈。最後比我講價講到40蚊。本來應該30蚊就得，因為佢話比我搽埋佢D
Cream。所以要比多10蚊。兩兄妹都係咁~~由於成家人都係度，而我係公屋度住。所以家居環境比較細，所以我偷偷地係厠所度進行。我從來未膚過mask，一見到咁濕淋淋，我有點打冷震之餘。仲用得好”論””盡”。結果我整左好耐先可以搞得掂放係面上。約十分鐘度就洗面啦。唔知點解洗完個面，成個面都痴”粒””粒”。好怪鬼咁。於是我走佢細細聲阿妹。

我：<你d mask過期架？用完之後磈面唔係滑既咩，點解痴”粒””粒”架？>
妹：<唉……你咪鬼講出去比人聽呀!依d叫精華。你唔係同我講就咁用水洗呀?>
我：<係呀~唔岩咩!>
妹：<真係浪費晒d野，你唔識問下人啦!依d要用潔膚綿”卒”一”卒”，然後先洗

走去。>
我：<=.=” 乜係咩既咩?>
妺：<仲乜咁”姿”整呀~約左女仔架？講來聽下啦?>
我：<無鬼多事啦…>
妹：<咁你仲要用個厠所幾耐呀？>
我：<得啦…用完叫你啦!>

結果，由我刷完牙個一刻既開始、跟住膚完mask、然後洗完面，再加埋洗頭沖完涼既時間。足足用左一個鐘。係我有紀錄以來最耐既一次。證明依一次既約會我係幾咁重視。
仲有一日，我同Christine相遇一星期。依一個星期，算係我人生最開心既時間。
好耐都未試過個心咁掛住一個人、好耐都未試過依一種既期待。同鍾意既人單獨約會啦。如果要追索，我就想起Racheal。Racheal係我中學既舊同學。我中三時既同班同學。佢係我人生既第三個女朋友。係中學時期，我係一個極之平凡既人。所以無乜人會記得我。而Rachel就唔同，佢係班花。又未到校花level。但我中三時係暗戀過佢。有一次舊同學聚會中。我同佢重逢。無諗過見返佢後。令我再次產生了心跳。過左當晚以後，我同佢不停既約會。結果仲拍埋拖。由於Rachel同我同年。思想比我較成熟。同時間，佢亦比我上進。後來佢左英國留學兩年。要完成一個碩士課程。無記錯好似係心理學碩士。當時我當然支持啦。去左英國以後，感情淡左好多，我地就好和平咁分手啦。不過依件事隔都成三年半有多。期間都出現過少數對象既。不過，係你未約去街、或者想進一步。佢地已經都比人追左。或者暗示無行囉。
今晚，Christine同我去街，已經係一件好幸運既事。就算我唔可以同佢一齊，我都覺得好快樂! 而佢係我所有既對象之中係最靚o個個、亦係同佢既經歷亦係最特別。
我好心急想快D見Christine，不過佢整緊頭。我出門口時，收到佢既SMS 話我知佢食完野準備去整緊頭。我回返比佢，你慢慢啦。於是，我就出左旺角朗豪坊買飛。而Christie佢叫我渣主意，無論咩野戲都好。佢都想睇戲。死啦! 想搵套愛情片，但係依個星期得一套好睇!就係一出關於兄弟既片(我諗大家應該估到)…卡士夠強勁。跟住我SEND 個SMS比Chirstine 問佢九點OK唔OK，因為星期六下午通常會好多人係髮型屋整頭。同時間我亦唔想佢咁急，佢回應：<點解你咁聰明既，今日好多人呀?都唔知整幾耐？>.< > 點解我又會知？因為我出旺角前偷偷地去左佢整頭既髮型屋外面，望左佢一眼就走嘛! 當時佢仲閉起左雙眼添^^。
我買完飛後!大約兩點半鐘，收到阿文既來電。佢話加下同Maggie仲有阿威、Fanny食緊野!問我會唔會Join一Join佢地，我又有排都未夠鐘。於是就答應左佢地。我就去樓上CAF&Eacute;搵佢地啦!一見到佢地既時間。阿威、阿文已經望住我笑得好奸。

阿威：<大佬、大佬、依度!>
阿文：<大佬…慢慢坐底先啦!>
我：<兩條友仲乜咁好口!>
阿威：<我同阿文一向都好尊敬你架。乜你唔覺咩!>
我：<=.=” 依十年來…我真係無覺過喎!>
阿文：<大佬Wind…快D叫野飲啦。最多今日我請，慶祝你同女神既大

喜0既日子!>
我：<咁唔客氣呀!我仲想加多個土司!請埋得唔得先？>
阿威：<阿文~個大佬我都有份!吐司我既請!>

我覺得有D古怪，唔係佢地平時既作風，雖然十二點已經食左野。我又唔介意食多餐。因為依一個真係一個真正既免費午餐! 我同佢地一齊傾計、計到六點過少少。Christine 打來比我。話已經係走得。我成班兄弟及其女朋友都同埋在場都”樹”隻耳來聽。仲係隔來偷笑。收左線之後。原來佢地真係有古怪。

Maggie：<你緊唔緊張呀?>
我：<都緊張呀!因為我第一次正式同佢去街嘛。>
Fanny：<大佬Wind、你要放鬆D啦!>
我：<OK!我會架啦。>
阿文：<大佬…我知道你今日約左女神未夠鐘，所以一早夾埋阿威同FANNY

陪你等佢囉!做兄弟點都要支持你嘛!有難同當!幸福同享。^^>
阿威：<所以，我依一刻請你做一件事。你要跟住來做喎。>
我：<咩野事呢？>
阿威：<你首先閉起雙眼先。>
我：<嘩~你仲乜野呀!無啦啦要咁做？>
阿威：<仆X仔…叫你做就做啦!>
我：<又話尊重我、又用粗口話我。: ( >
阿威：<OKOK~係我錯…咁你做唔呀?>
我：<咁~我做囉~>
Fanny：<唔準偷望架!>
我：<無呀!>
阿威：<跟住、伸隻左手出來…打開手掌。>
我：<你放D屎落來呀!>
阿威：<叫你做就做啦!>
我：(伸手、然後打開。)<得啦!>

依一刻，我感受到掌心有一樣野。我估應該係木來既。但估唔到係乜野。

阿文：<開得啦^^!>

我一打開眼，眼到一個細細地、木制既牌上面寫上”幸福”二字。我真係好感動。

阿威：<Maggie、依單野你諗，由你來解釋!>
Maggie:<大佬……我地咁做係想話你聽，幸福已經派到你手面，你要要好好把握住。

佢先唔會走左去架。^^>

我真係無諗過!佢地做既野，真係令我好感動。我終於都明白，佢地怕我一個人要係條街等Christine時，突然自卑感發作。所以，佢地夾埋左今次既行動去壯大左我既信心。就算依一刻Christine未係我身邊出現時又或者無行，我已經係一個幸福既人!因為有一班咁好既兄弟同埋佢地咁有心既女朋友。
我將依個幸福二字舉返係佢地面前。同佢地講：<我會好好把握住你地比我既祝福。>
然後，我就走先去朗豪坊等Christine。

我係等佢來既時候，我真係好緊張。係朗豪坊既門口真係好似哮喘病發作咁。時不時左右望下。但諗諗下記起曾經有本書講過話。如果等一個女仔時。左望右望係無禮貌!比個異性覺得你好心急。印象分唔好架喎。最好既方法係睇書等。當個異性見到時~會覺得你係一個好有耐性既人!會加分喎。於是，我唯有攞本好多字既書出來睇。可惜睇睇下真係有少少眼訓。我依份人一見到D字個人就會立即睡眠!好似唔係太WORK。不過，我都照睇。大約等左二十幾分鐘度。收到Christine電話。

我：<你到左啦？>
Christine ：<行到架啦~你係邊度架?>
我：<正門口呀!>
Christine：<見到啦。>

跟住佢就Cut左線。然後我地就見面。當我一見到佢。我呆左。因為佢今日有化左妝。
因為真係好靚。

Christine：<等左好耐呀!>
我：(令令頭) <唔係呀!你個頭整得好好睇喎!>
Christine：<真係架!^^(佢立即望一望正門口既反射!)我仲好驚修左少少唔好睇添。>
我：<傻妹~點會呢？未夠鐘呀…你想去邊度呀!洗唔洗食D野先？>
Christine：<要呀! 不過。我有D野想去做？你一定要陪我做喎。得唔得呀？>
我：<吓…不如你講來聽下啦？>
Christine：<你應承左先!我先會講^^>
我：<但我唔知你想做乜喎？>
Christine：<來啦…你應該我先啦。>
我：<um……咁好啦。我應承你陪你做啦。>
Christine：<好野~~^^>

係D野呢？我都好想知!

@h_Ku

我地行左落下一條街度！吓…唔係掛。原來係一間涼茶鋪。原來Christine有飲涼荼既習慣！所以叫我就陪佢飲啦。不過，無所謂啦。涼茶鋪唔一定樣樣苦嘛。

Christine：＜唔該兩碗廿四味！＞
店職員：＜１２蚊。＞
Christine：＜唔該！＞
我：＜＝０＝＂＞
（吓…唔係掛。＞
Christine：＜你唔想飲呀！＞
我：（我當然想答係啦！）＜唔係～不過好耐都無飲過。＞
Christine：＜你得行閒飲下啦…清熱氣對身體好架。＞
我：＜^_^…乜你廿幾歲女成個婆仔咁架？＞
Christine：＜咩野喎～快Ｄ飲！＞
我：（ＵＰ頭）＜嗯！＞

>.<　真係好苦呀～不過，苦中帶甜既。因為有Christine同我一齊飲嘛。等我地一齊受苦啦。我覺得依Ｄ就係投其所好。只要佢鍾意，我都會跟住佢一齊做。跟住我同Christine去左食野。第一次正式出街，梗係要食下燭光晚餐啦。我地去左扒Ｘ之王。當我同佢入到去～氣氛真係好合適Ｄ情侶。真係幾浪漫！以往都有同Ｄ女性既朋友。不過完全無任何感覺。但係當你面對住鍾意既人，就會又唔同既反應。梗何況係Christie，我心目中係無可取既女神呢。

我：＜你應該好肚餓啦？＞
Christine：＜係呀！^^ 成日無乜食過野，仲有呀～我差唔多一年無据過扒啦！>
我：＜吓～唔係掛？我咪好榮幸。＞
Christine：＜傻瓜…叫野啦！＞
我：＜我諗度啦！＞
Christine：＜你咁快呀（佢當時扁緊咀、個樣好苦惱）！我仲未諗到呀？食咩野好呀？>
我：＜咁你想食雞、牛、豬呀？＞
Christine：＜我樣樣都想食呀！＞
我：＜HeHe~我都幫你諗到啦。^^!＞
Christine：＜咁快～咁食咩野好呀？＞
我：＜你叫晒三樣咪得囉。＞
Christine：＜　>.<　ｏ依～玩野！＞
我：＜哈哈～講下笑啫。不如你食什扒咪得囉。＞
Christine ：＜HeHe~係喎？快ｄ叫囉…我餓左半日呀！：（　＞
我：＜ＯＫ～＞

依間餐廳既效率都唔錯，好快來齊Ｄ包、湯咁同埋Ｄ扒咁。見到Christine好餓肚咁狂食野想。不過仍然都好保持女仔應有既儀態既。真係被佢吸引。同佢食野時，我時不時都係佢唔覺既情況之下。偷偷咁笑。因為我真係好開心呀！可能係我內心傾慕佢既感覺啦。

我：＜依…仲咩野呀？＞
Christine ：＜（扁咀）～好韌呀！我据唔到呀！>.<..＞
我﹕＜等我來啦！＞

佢遞左比搞。我就好埋頭苦幹咁幫佢，我感覺度佢望住我…仲問左我一個問題！

Christine ：＜你咁純熟既？成日都幫Ｄ女仔据架？＞
我：＜梗係唔係啦！我學過餐卓禮儀架。＞
Christine：＜真架？係邊度學呀？＞
我：＜係～莫Aunt度學囉。＞
Christine：＜ >.< 依～＞
我：＜哈哈～其實唔係我都係幫阿威据啫…條友少爺來架。乜鬼都唔做。＞
Christine：＜點解？唔幫Ｄ女仔据？＞
（我望一望佢…^_^）
我：＜感情成日都來我好遠…我成世仔都無乜依Ｄ福緣。^^我据完啦～你慢慢食啦。＞
Christine：＜哦～唔該～乜你鍾意切晒先食架…＞
我：＜係架…我鍾意美式食法囉。＞
Christine：＜ =.=＂乜有咁分既咩？你又想做爛GAG王呀？＞
我：＜HeHe~唔係架～真係有分架！美式呢～食法係會切完晒先一次過，英式呢～就係切完一磈食一磈！＞
Christine：＜莫Aunt教你架吖嘛～^^＞
我：＜唔知呢？＞
Christine：＜唔得呀？你快Ｄ講聽點解你會知呀？＞
我：＜你真係想知？＞
Christine：＜嗯嗯…＞

其實係咁既，中三畢業！因為我唔能夠升中五。所以去左讀工業學院時汽車工程系。後來成績唔錯可以再升多一年讀依一個技術員先修班。自己對於學院既活動都好熱心參加。入得工業學院主要係想就為左就業！所以，我想學返少少技能、尤其係有關人際關係，第二時方便就業。有次行過～見到有個餐卓禮儀課程。於是我咪報左，希望對第二時有幫助囉。而教我個Miss係莫。個樣真係好Aunt架。

Christine：＜依～你又玩野…死人爛GAG王。＞
我：＜哈哈～我講真架。不過我真係可以學以致用囉。你仲係今日既受惠者添。＞
Christine：＜ >.< ＞

成程飯，我地都有講有笑。真係好耐都未試過依一種開心。當然平時同開阿威同阿文出來食飯都好開心。
但係同Christine依一隻既開心係令一類既感覺、亦係我期待以久既事。我地食完。Christine去左厠所補一補妝。其實佢任何一面我都覺得好靚。我等緊佢，好期待佢出來既時間，望住我笑一笑既感覺。每一次當見到依一種既笑容，真可以直入我內心。令我回味又回味。
而時間都差唔多夠鐘開場。所以，我地都入左去坐～我地細細咁傾下計！直到廣告客戶既說話開始時，我地先就停止左。成套電影比我想像中悶。卡士雖然夠，但係失望，去到尾時。有一個兄弟要死。個細佬狂叫：阿哥阿哥呀！Christine突然間喊左出來，於是我就靜俏俏咁遞左張紙巾比佢。

Christine：＜唔該…我真係＂渣＂既啫，咁都喊。＞（細細聲）
我：（我係耳邊…）＜關渣乜事啫，只係我冷血啫～＞
Christine ：＜（偷笑）哦～＞

套戲完左之後，都成十一點幾。我打算送Christine返屋企。

我：＜你累唔累呀？＞
Christine：＜（令令頭）Wind呀！可唔可以陪我去一度地方，我唔想返屋企住。＞
我：＜好呀…你想去邊啦？＞
Christine ：＜我好想去尖沙咀文化中心既海旁坐呀！＞
我：＜ＵＭ。。咁我地依家去啦…＞


於是，我地就坐巴士去尖沙咀碼頭。真係無諗過第一次正式去街，唔單只行街、食飯、睇戲，仲會去埋海旁度坐，真係令我有點意外。不過Christine叫到，無論點我都會陪佢。睇完戲之後，Christine突然間靜左好多。唔同佢平時咁活潑！我一路行、一路好唔好問佢呢？我都係問一問佢。

我：＜Christine～＞
Christine：＜係～>
我：＜你係唔係好累呀＞
Christine ：＜（一路令頭、一路微笑～）唔累呀！你想走呀？＞
我：＜梗係唔係啦。你唔記得左平時我依個時間醒既咩？＞
Christine：＜得啦！^^＞

我地去到文化中心海旁，Christine心情好左好多。我地坐係留梯度。一齊向住個海邊方向望。

Christine：＜好耐都無來過啦？＞
我：＜係呀～你凍唔凍呀？＞
Christine：＜（令令頭）唔凍呀！Wind呀！＞
我：＜唔…仲乜呀？＞
Christine：＜我有Ｄ野想同講你聽～但係我左怕你以後都唔會再搵我，連朋友都無得做喎。＞
我：＜唔會…你講啦！＞

@h_Ku

Chrisitne：<你知嘛？我同你相識依一個星期，真係好開心。因為好耐都無人咁關心我。>
我：<無可能~你份人好好。又開朗、又活潑，仲要又靚喎!同你相處時，我覺得好舒服^_^。肯定可以好多人關心
你啦。>
Chrisitne：<(低頭令令頭)我唔係諗度咁好~~我真係唔係一個好人!>

Christine將佢既過去講比過我聽，係見返佢依一個星期。我都有同佢傾下電話。每次成一至兩個鐘。
但係只係佢聽我講自己既野。好少講佢自己既野。尤其當我講到我同兄弟既事，或者佢地D野。佢都好份外留心去聽。我成日都覺得同佢好遠，係因為只有佢走我世界! 而我對佢既世界係完全唔認識! 令到我覺得佢依位既女神更加深不可測咁。
Christine原來係一個中產家庭長大，爸爸媽媽都係本來係做生意。96年時，佢地既生意好好。主要係印尼、泰國等東南亞地方做出入口貿易。但係97年金融風暴中，公司嚴重既虧損，唯有結束業務!而係股票度，當時佢地高價入左PXXW 。結果暴跌。令到本來佢地住係九龍塘既高尚住宅。突然間要搬到去功樂道租盤度住。直至03年沙士後、佢地家人見樓價低。先搬左去藍田。佢有一個家姐，大佢三年。讀書成績好出眾。後來係普林斯頓度讀法律。之後就留係美國度工作。放假先會返來。Christine既家人成日都好鍾意比較佢同家姐。不過，佢自幼生得比家姐靚。所以，佢成家人同親戚都會比較錫佢多D。但Christine內心都有一條刺，就係始終係讀書成績叻唔過佢家。
Christine係小學時，成績已經係名列前茅。由於自小家人好好鼓勵競爭，所以佢係一個唔輸得既人。性格比較進取，好勝。所以，小學時係成班同學都好唔鍾意佢，覺得佢成日認叻。Christine當然唔理佢啦。
上到中學後，佢既成績咁好，當然入到Band One 名校啦，佢係入面認識左七個好好既朋友，全部都係女仔。當中以阿琼同Jenny感情係最好。讀中學時，佢咁靚女。當然好多人來追佢啦! 但佢一D都唔自在。加上無一個睇得上眼，加佢好想係讀書成績到贏佢家姐。所以更加無諗過會拍拖。因為家姐始終都係佢係心理上既假想敵。當佢講到自己會考成績時嚇左我一跳，7A、2B。但佢家姐係9A個。A Level 時，由於97年金融風暴對佢有好大影響。所以拼命要讀到CU既：Quantitative Finance!都係因為佢父母!但係因為佢會考既2B 係Maths 同AMaths。依一科A Level Maths無A係唔洗諗住會可以入度。但佢既好姊妹Jenny同阿琼成績無Christine咁好。但係數學科目係A頭。而Christine都知道自己依方面能力係有不足，Jenny亦知道佢好想讀好D MATHS 於是就主動叫埋阿琼一齊幫佢惡補。佢地一放學一齊去自修室。而係每科高考前兩日，就會一齊去大家既屋企到溫書溫通頂。所以佢地都經歷左好多野。結果入左Christine真係入到佢心目中既科目、並且同阿琼、Jenny入埋同一間U。不過就讀唔同既科目。聽到Christine既經歷同我有少少相似。都係有兩個出生入死既朋友。
而佢地七個朋友，除左阿琼同Jenny外。其餘四個都內心上唔鍾意Christine。點解？係佢讀Year One 時，有一次佢地七個人出來聚會，當中有一個人叫Janet。帶左個男朋友出來，而佢男朋友亦係CU 度讀。當見到Christine之後，仲打聽到Christine無男朋友，就立即同Janet分手。然後狂追求Christine。Christine當然沒有接受啦，仲好嬲依個男仔既行為。不過Janet始終都好嬲Christine。好彩阿琼同Jenny立即表態支持Christine。因為依件事點可以將個問題放係Christine度呢？根本就係佢男朋友既問題! 阿琼、Jenny都知道依件事會影響到七個人既感情。所以就同其餘D朋友講過清楚依件事，其餘人都表面上亦明白同埋理解。內裡始終都係唔鍾意，我諗係妒忌心作怪啦。但係以後既聚會中，佢地已經唔敢帶男朋友出來。因為怕左男友變心鍾意左Christine。係依件事後，Janet就疏遠左Christine好多。
到Final Year 。Christine既朋友間，亦開始陸陸續續拍拖，就連阿琼同Jenny亦有著落。阿琼既男朋友係一位見習飛機師。係一次朋友互相介紹下互相認識。而Jenny男朋友係工程師。係某間U到做Part 導師。有次去探望佢地七位朋友既其中一個叫Phoebe 既情況下邂逅，之後就拍拖。從中學起既相識開始，Jenny就特別照顧Christine，而Jenny亦會照顧其他人。所以係佢地既關係裡。Jenny係整個圈子既核心。以前佢地成班朋友未拍拖時，基本上所有大日子或者重要日子，都會一齊出來玩，但拍左拖之後，就已經少左好多活動。加上阿琼男朋友飛來飛去。所以一有時間就陪男朋友，而Jenny就唔同，基本上對Christine既態度無因為拍左拖而改變!而每次去拍拖、睇戲。都會叫埋Christine出來，等佢無咁悶。Jenny男朋友叫Wilson。大佢地五年。思想成熟有風度。為人有幹勁同魄力。Christine每次見到Jenny被Wilson照顧!佢都有一種羡慕。畢竟佢內心都係一位少女。佢地好多時都會三人行! 每次玩到夜左，Wilson都會因著Jenny要求下送Christine返屋企。Final Year完左。Jenny讀完書未搵到工，於是就同一大班朋友去左一個月歐洲旅行。而Christine好快就搵到工做。一個男人突然間身邊無左個女朋友係身邊，的確係好唔習慣!於是就主動約Christine出來陪下佢。由於幾個星期成日都單獨接觸多左，感情亦開始產生左出來。Christine亦唔能夠控制型自己既感情。結果佢地係埋左一齊。Wilson就係既初戀。初戀始終對一個人好重要。所以Christine設法想將Wilson佔有。所以，一係埋一齊時，好快迫Wilson要作決定。Wilson當然唔想傷害Jenny啦，Jenny始終係一個好好既女仔。最後，都選擇同Christine一齊。當Jenny知道時，內心真係極之傷心，Wilson分手係第一個打撃，Christine係第三者係第二個打擊。雖然 Christine知道自己做既野唔岩。但係但係愛情迫使佢爭取同埋任勝!雖然當時既佢多左個男朋友，但係無左成班朋友。Jenny、阿琼更加對佢絕不原諒。
返左工後既hristine，對於工作滿有熱誠。好想自己快D創出成就，好想自己既收入可以快D同家姐睇齊。同Wilson拍左拖約九個月度。由於佢已經全程投入工作，多過依段感情。對Wilson忽略左好多。Wilson亦係事業型既人。所以，佢好想令一半對佢多D既體貼。Chirstine亦好想自己男朋友都係咁。結果佢地相處之中出現左好問題。但係Christine仍然覺得自己男朋友係佢爭取返來既。就算係分手都好，都係佢話事同埋主導。所以佢都無理會Wilson既需要。而Christine既工作中終於得到了少少成就。開始得到上司既提攜賞賜。不過佢發覺同Wilson間既問題越來越多。亦覺得自己感覺Wilson對佢既感覺態度唔同左。當一個男人想離開自己之際。做女人係會設法挽留。係過多三過月度~~佢忍唔住走去Check Wilson既SMS。結果比佢發現Wilson真係有第三者。而依個第三者仲係Jenny。
我聽到覺得好突然!真係拍戲咩~~結果Christine同Wilson攤牌!