【經典金句】 我執

ahju

何必如此執著呢？何謂正見？何謂邪見？
其實都冇一個確實嘅答案嘅。
不過無論眾生所執著嘅係正見定還是邪見，
過分自信，自我中心，堅持己見，唔肯退讓嘅，
都可以講係【我執】嘅表現。

人世間所執著嘅事，實在係有如恒河沙數，
我執嘅出現，係由於人與人之間產生咗分別之心，
既係有你同我嘅分別，
你還你，我還我，
我自然就會同你比較，
重有執著嘅，就會同別人比較，不甘認輸。
無論你怕輸，定係怕贏唔到對方，
都會令人緊張。
咁樣，
自身嘅快樂就會係操縱喺人哋嘅手裏面。

如果人去到一個連自己自身嘅感受都毫無自主可言嘅地步，
佢嘅喜怒哀樂，就祗會任由不停變遷嘅處在環境所主宰，
因而感到無比痛苦。
當人唔願意接受一尐即已定嘅事實同結果，
就好可能會被虛妄無體嘅客塵所染，
以致被世俗嘅七情六欲所影響，
最終就祗會令自己陷入萬劫不復嘅地步。

人除咗我執，重會執著於【我所】，
既係自身所擁有嘅人事物，
執著於我所，令到人無辦法接受，
自己所厭惡嘅人事物，
就會被憎恨之心蒙蔽理智，
變得愚癡，因為落入魔障。

~~~ 釋永空 (張國強) ~~
取自香港無線電視連續劇 【4 in Love】第十五集

cytay84

谢谢分享