香港客 圍著沙巴神山走一圈 食篇 8天7夜

BIZET

香港客 圍著沙巴神山走一圈 食篇 8天7夜
11~18 /3/2015  　
11 /3/2015 Wed  第一天　出發
HK to Api  AK236  1005 > 1305



出發


到達KKIA T2, 買 Sim Card RM 28.5, 700M data 包RM12通話費, 7日
即用本地電話卡通知租車公司職員攞車,不用等五分鐘租車公司職員已交車到機場出口門口，檢查完，簽妥租車文件，開車去酒店. 途中去機場附近間超市，搜羅心目中的手信，價格唔錯，記住先，繼續去酒店，CHECK IN, HEA 咗半個鐘, 去KOLOMBONG 何記(文昌)正宗海南雞飯, 去到3點半，見到已收檔，失望而回，原來只開到３點。      


網絡圖片 這是後門

改去CITY MALL食五星海南雞飯，叫咗海南雞髀飯同埋义燒雞飯，肚餓得滯唔記得影相，味道不錯，食完行GIANT超市跟住購物，去市中心區Suria Sabah想睇戲，戲碼唔啱，無興趣睇，行埋隔離WISMA MERDIKA，行多陣，肚又餓了，搵到網友介紹的CHOICE 印度餐廳食印度野，位置在離Little Italy 3間鋪, 味道唔多啱，中伏。失望回酒店，上網，早休息。

BIZET

12/3/2015 Thur　第二天

酒店無包早餐，開車去麗都廣場 食隆美星班魚片/魚蛋米，5分鐘到達，

隆美魚片米

隆美魚蛋 麵

隆美魚片

隆美  茶 啡

嘆完返酒店，收拾行李出發去Tip of Borneo，

下一站去SEPANGOR 食椰子布丁，燒沙白，位置在沙侓海鮮前半公里左右, Jalan Sulaiman.

3年前網友圖片

SEPANGOR 椰子布丁檔3

SEPANGOR 椰子布丁檔1

SEPANGOR 椰子布丁檔2  RM 12 一大份 即叫即燒，耍等15分鐘左右.

SEPANGOR 椰子布丁  RM4.50

  

SEPANGOR 燒沙白  RM 12

檔口依舊，布丁及椰青都加了RM 0.5，但燒沙白價錢依舊. 好味，起程.

下一個目標  斗亞蘭  群樂茶餐室 食斗亞蘭炒麵

不用半個鐘, 到達目的地.

BIZET

下一個目標  斗亞蘭  群樂茶餐室 食斗亞蘭炒麵

不用半個鐘, 到達目的地.

樂群茶餐室

樂群茶餐室_斗亞蘭炒麵

桔仔冰  加 茶  Total RM 8.80

食完去斗亞蘭市內行街睇吓，跟住開車去Tip of Borneo

sem

没有继续写了吗？

simon_761

搂主，弃楼了阿 。。

BIZET

起程去Tip of Borneo，差不多兩小時車程，尾段有6公里左右的路面不太理想，只有路基石仔，沒有瀝青覆蓋路面, 凹凸不平，旅程結束後返看旅遊地圖是有標示該段路況為Gravel Road, 原來在比較後一天要走的路好一至兩級.

Tip of Borneo

[/url]

Tip of Borneo

周圍只有3位外籍遊客，逗留欣賞20分鐘後起程古達 Kudat.

半小時左右到古達市區，隨便選在美麗華超市旁邊的Upperdeck Hotel，全幢只有3層高，小休片克，天黑出發搵食，向地下接待處職員問介紹著名食店，他介紹，Sungai Wang Restoran金河海鮮酒家，距離酒店5至10分鐘步程，龜速開車2分鐘到達，由老闆隨便寫單.

金河海鮮酒家＿黑椒鹿肉

金河海鮮酒家＿清蒸瓜子倉

金河海鮮酒家＿樹仔菜炒蛋

有個藥材燉鹿肉湯冇影相.

TOTAL RM 91.0

嘆番2個鐘,逛附近幾條有人氣的街,有多間馬來食店.再去東面海傍大道,有更多馬來食店.

回酒店上網,睇電視, 休息.

全日行了　256公里。

aquarius@

楼主没有出岛玩吗？沙巴的海岛很漂亮的说。

BIZET

早前時候加班, 之後又電訊商壞了連線幾天.
剛好修復連線.

出島不是我們的目的,  已遊過香港的海島, 例如 長洲, 南丫島, 東平洲 等等, 雖然與SAPI, MAMUKAN島 等風景各異, 但不是我等杯的茶.
看看網友的相片, 已解心癮.

BIZET

13/3/2015 Fri  第三日

今天預算揸長途車去山打根, 目的是從神山背面看及有一點探險精神, 從未有網友報導過有此行徑, KUDAT > MARUDU > BELURAN > SANDAKAN.
自然醒, 去對面巴剎, 有士產, 鬥雞, 煙絲等. 二樓有幾間食檔, 馬來餐為主, 印度餐一間, 見當地人主要食炒麵一碟跟一杯飲品, 有間大一點的是華人開的食檔, 有炒麵及點心供應, 但只有燒賣同排骨, 無其他款喇.
跟住行去隔離幾幢樓, 全是三層高, 昨晚已經過, 地鋪中有KFC, 馬來, 印度餐, 見到一間華文招牌食店, 內裏坐得人客满滿, 就入去啦.



炒麵, 排骨, 燒賣, 雞飽, 叉燒飽, 茶, 啡

味道唔錯, Total  RM 19.0

返酒店, 出發去Marudu, 途經銅鑼廠, 長屋, 蜜糖廠等旅遊點一概不理. 個半小時到達GPS 指示點. 見有家鄉牛什, 入去試吓, 坐落後有位10來歲的小女孩來招待下單, 非常熱情坐在我們對面坐位介紹. 非常可愛. 12點前吃早來的午餐. 唔錯, 但不太警喜.


Marudu 家鄉牛什


Marudu 家鄉牛什 牛什麵　牛肉米



Marudu 家鄉牛什 牛什麵　牛肉米
Total RM 21.0



Marudu 家鄉牛什 隔離間餐廳

牛肉有肉味, 幾諗, 牛什內容比香港少款, 不比港式牛什出色. 小休片刻, 在小鎮內揸車遊覽, 出發.




接著要走的路線是圖中藍色路線, 由Marudu 去Sandakan, 全長約340公里, 早上由古達到Marudu 已走了80公里, 這是我以前未曾在一天內跑過這麼遠的路程, 其實已預算假如遇上天氣不佳的話是不會走這條路線, 因為未知路面情況如何. 到沙巴以來, 天氣不錯, 只下過很細的驟雨, 今天天上只幾片白雲, 非常可愛.
走了個多小時, 都在海岸附近及平路, 問題不大, 漸漸發覺路況每況愈下, 路旁間歇有凹陷處, 非常普遍，要慢車及避凹陷而要過中線. 漸漸習慣.

跟著開始要爬山上落, 之字位, 凹坑, 爬頭, 被爬頭等…
最麻煩的就是其中有30~40公里的路面是被雨水沖壞, 臨時鋪上路基石料, 但沒有鋪上瀝青路面,前面有車走過就沙塵飛揚, 只有慢車同時享受自動汽車按摩, 每段這樣路段都有警示牌在前.
在沙巴最欣賞的就是在香港已欠缺的藍天 白雲 綠樹 飛鳥, 間中在車前路面出現會跑的鳥橫越車路, 大群燕子飛翔, 忽然有一大簇鮮艷奇花在路邊, 但最多就是經濟作物棕櫚樹. 遇上油罐車的話, 只好慢慢等機會爬頭超車.
約4個小時後去到山打根郊外, 惟一的路正在重鋪半邊線. 4線行車變成2線. 慢慢行, 到酒店check in, 休息, 跟住去sim sim seafood restaurant.

可乐泡沫

坐等更新，难得看到繁体字游记。

BIZET

休息完, 開車10分鐘就到sim sim 森森海上屋, 時間尚早, 只是5點半左右, 兩間森森以前都去食過,就去左面個間先, 原來有前半間海上樓面正在拆除重建中, 想坐落但冇伙記或老闆過嚟招呼. 起身行過隔離右手邊的森森.



森森海鮮



森森海鮮＿黃昏海景
下面有漁民車船過嚟, 問老闆佢地為乜在玩, 原來是交蝦俾佢地.


慢慢享受海風, 日落, 等晚餐上檯.
一路坐, 客人越來越多, 看來只有我這檯是外來遊客.



森森海鮮＿姜米炒沙白
伙記介紹這種食法, 唔錯.



森森海鮮＿甘香蝦
影之前食咗, 共有8隻蝦.



森森海鮮＿欖菜蒸石班
第一次試欖菜蒸石班, 由於是真海魚, 蒸到剛好離骨, 俾個LIKE佢.


森森海鮮＿炒通菜

Total RM 88.0

BIZET

食完豐富晚餐都係七點幾, 去四里金鳳搵野睇, 十零分鐘車程到喇, 四里金鳳在入山打根公路路口廻旋處附近, 入到內面街大部分店舖都關門, 開店營業的是食店, 超市, 巴剎. 向最多汽車出入方向進發查看, 原來是間大超市
Servay實惠, 在KK中央市場對面的KK Plaza地牢也有此店. 原來山打根的物價是比KK便宜的. 同樣的手信肉骨茶等便宜10%或以上. 睇住先. 跟住去巴剎參觀, 有大排檔, 生果檔. 見芒果大隻, 買返兩隻共0.7kg RM 7.0 返去食. 仲有支飲品. 返酒店休息, 上網.

BIZET

14/3/2015 Sat 第四天

酒店費用已包早餐, 就落樓下大堂餐廳食自助式, 坐下約有10位客人, 非常寬敞, 因為是一般食品, 所以沒有影相, 這家酒店的服務與早餐質素其實比上次住的Swiss Inn Waterfront好得多, 留下不愉快的經歷, 這家酒店已改名Ibis.

下一站義利餐廳_椰子布丁

剛食過餐, 先休息吓, 10點出發.

窗外風景.

山打根風景1

山打根風景2

正中最前方是前Swiss Inn Waterfront, 左手面高樓的下面是商場連停車場, 上面是Four Points by Sheraton Hotel.

昨天走了444公里.

義利餐廳離酒店4公里左右, 10點過後仍未開門, 住後門察看有伙記在店內, 問佢地開檔未, 有位女士過嚟清潔中, 快開檔. 心想不願做第一個未預備的客, 告別, 會晚一點來光顧.

向前走搵觀光點Batu Sapi Heritage Park三腳石,

三腳石 在工廠區中, 遇上水退, 垃圾影響觀景, 比官方照片差一點.

四處無人與你爭位影相. 哈 哈. 慢慢欣賞.

下一站機場附近的Sandakan Memorial Park .

Sandakan Memorial Park

內容充滿悲痛及哀傷, 主角及內容圍繞2次大戰日本軍戰敗前將所有澳洲籍戰俘在山打根被廹徒步至260公里外神山下的Ranau戰俘營事件, 全部2600多個澳洲籍戰俘, 戰後只有6人生還, 這6位戰俘可以生還是因為在途中偷走才可保命. 不是日本人的憐憫.

BIZET

14/3/2015 Sat 第四天

揸車入機場繞一圈看看, 跟著去Natural Lodge Kinabantangan, 不幸關了門, 就在Kinabantangan 市集路旁吃一個平凡的馬來式印度午餐, 咖哩雞飯加印度手揪餅, 拉茶加桔仔冰. 悠長地欣賞藍天白雲.

留連Kinabantangan 市集一會, 有檔口賣炸香蕉, 煱內的油清澈不黑, 等有馬來人買, 跟著照買同樣的. 味道不錯. 2馬幣已有約400克. 回車內慢用.
連埋炸香蕉 午餐Total  RM 15.0  (13 +2)

出發吃下午茶. 地點在酒店後面, 不用2小時, 到了English Tea House.





English Tea House
Supreme Tea Set







Supreme Tea Set 2
最喜愛就是scone 有類似muffin的口感. 脆一點, 加上果醬或奶油美味, 慢慢回味.

Total RM 41.8
可能由於星期六關係, 有很多本地人開車上來.

第四天 下午

嘆完High Tea都係4點幾, 搵旅遊點消磨時間, 走過隔離華人墳場同埋日本墳場參觀, 再去Saint Michael Church ,



Saint Michael Church

睇完Saint Michael Church都係5點未夠, 出發去義利餐廳，坐門外位置, 叫椰子布丁, 一個兩人食, 牆上餐牌寫的是椰子奶露花.


義利餐廳_椰子奶露花 1



義利餐廳_椰子奶露花 2

試過之後, 就把3日前在Sepangor的椰子布丁比下去.  RM8.0是絕對值得的. 超值, 超值. 只恨肚子窄, 太無能.

去附近遊覽點, 普濟寺 – 它在義利餐廳的背後山上, 經過3個狹窄的髲夾灣及一段陡峭的路, 到達了普濟寺.





普濟寺1




普濟寺2



普濟寺3


欣賞山打根蘇綠海海景清風

返去市中心行吓, 巴士總站的長江超市, Four Points by Sheraton Hotel 下面的商場. 用慢步消化美味的High Tea及椰子奶露花的內容, 返酒店休息, 8點鐘出發南財肉骨茶.




南財肉骨茶

入店內時全店滿坐, 稍等就有空檯, 由老闆娘推介, 左面豬什, 右面石班, 前面生菜. 雖然不及預期的美味, 但算不錯.  比KK的新記, 佑記更合口味.
Total RM 35.0

返酒店休息.

BIZET

15/3/2015 Sun第五天

食埋酒店自助式早餐， 漫步去商場旁邊的中央市場，逛了一圈就隨便買了一包蝦米，算是山打根的手信之一，回酒店退房, 開車金鳳四里超市狂買，架上存貨買晒都唔夠，再去GIANT 補貨， GIANT是貴一點的，入埋貨就去目的地240公里外 – 沙巴茶園, 在Ranau附近。　再見山打根。

約3 小時後到沙巴茶園山下, 過閘後, 過木橋, 沿碎石路上半山, 到達了.



有不少遊園客, 見餐廳桌上客人已叫的食物並不吸引, 雖然到午餐時間, 無興趣在此進餐. 由於是星期日關係, 製茶廠不開放. 走走看看.




遠處正是神山.


去Ranau食午餐. 搵了一間有華文招牌的 叫 [雙番東]. 咁得意就入去啦.
口味似香港加廣東式大排檔. 叫咗特色豬扒, 炒麵.


去下一個旅遊點 - Kandasung DESA farm, 離Ranau 約20 公里左右. 最後幾里的路段是陡峭的碎石路, 駕駛經驗淺的司機要小心. 愛車的人會心痛. 入園前有閘口, 外籍客要收RM 10, 本地人收RM 4, 可能我樣貌似本地華人, 守閘的馬來女士只收我們2 X RM 4, 哈哈. 開心透了, 結果慳了的始終是回歸牛場. 當天是星期天, 全停車場爆滿, 人山人海, 排隊買Yogurt, 排了20分鐘, 原來已賣完了, 失望, 只買鮮奶, 隔玻璃窗參觀乳牛揸奶場, 落草場擁抱小牛及山羊, 入場慳了的全買了奶瓶餵小牛2 X RM 1.5, 小扎牧草堆RM 1, 回歸牛場, 小牛非常歡迎遊客撫摸,





















近看神山.

玩完牛仔，起程返KK，去JALAN　SULAIMAN 佳揚食晚餐，位置在椰子檔附近。

BIZET

15/3/2015 Sun第五天　晚餐
由Kandasung去佳揚約走82公里，個半鐘左右就去到了，經過路邊椰子檔時見開檔營業，因為是星期天的關係吧，停車場泊滿食客的車，搵檯坐，在海鮮缸旁邊搵伙記睇實物寫菜落單，然後返檯坐等海鮮上檯。此處有比較多馬來人，證明係本地人餐廳。幾檯客都有生日蛋糕同埋吹蠟燭，非常高興。


乾奶油老虎蝦
我比較喜歡濕奶油老虎蝦，蝦肉會嫩哋同埋奶油味較濃。


蒜米炒芥蘭
本地芥蘭同香港芥蘭不同口感。



姜蔥炒沙白



白焯東風螺

呢哋香港冇得食。

餐後送例牌甜品小盒裝椰子布丁，
Total RM 111.20

食飽飽，跟住返酒店，即係第一晚住個間。
原本預算住Kundasang 或 Kasih Sayang Resort但爆滿，原來呢幾日係馬來西亞學校假期。

BIZET

16/3/2015 Mon  第六天　
開車去麗都廣場 再食隆美星班魚片/魚蛋米，5分鐘到達，呢次唔知乜原因，內容大咗連碗都唔同咗，可能在落單時言語有誤會，照食可也.





星班魚片/魚蛋米



星班魚片米

咁大碗真係比上次貴一點都值得. 非常滿意. Total RM 24.0.
食完走去管理亭買parking coupon方便泊車，返酒店嘆.


10點鐘出發KK市中心，搵位泊車很難，於是泊上停車場，商場內逛到12點左右，就去Cititel隔離間亞庇市肉骨茶，味道更比山打根的南財肉骨茶美味，以前試過新記同埋佑記，起碼濃郁2倍. 正! 似西馬原本味道. 正合我等口味. 埋單RM 41. 似乎計錯數計大咗, 一時大意冇為意. 留有缺點.



亞庇市肉骨茶











亞庇肉骨茶

行多陣商場就出發去Papar，在Papar市鎮街內遊車河，在車內望吓火車站，行吓GIANT銷磨時間，2點半起程KLIAS睇野生大鼻猴同埋螢火蟲，跟網友資訊在4點半前到達Klias River Cruise，慢慢開車向KLIAS進發，半路途中見路傍有小販在小形客貨車賣榴槤，掉頭買榴槤，隨便挑一個細的本地榴槤RM 9.  0.9KG重. 味道唔錯， 4 點半到達KLIAS按照相片搵到指示牌，附近 只有2 部旅遊車，以為今天的遊客不會多. 沿指示入去餐廳內只有16人左右，搵人問參加Klias River Cruise 如何如何，有位馬來西亞人士招待，每人RM75 另加RM5 環境保護稅，即係2人RM160. 交錢後開單.  如果在市區旅行社或酒店訂位, 一般每人為RM140 至RM170, 包酒店接送.



路上的招牌(左邊)


路上的招牌(右邊)


係河畔餐廳度有馬來糕點同茶水招待，坐落不用5 分鐘先前那位馬來西亞人士走過來叫客人開始落船遊船河，杯茶都未涼，兩老老同另外6人同船，一共有4位沙勞越華人招待2 位美籍黑白美女，哈哈. 船伕用馬來語講解，同船華人用英語傳譯俾黑白美女，俾我地聽埋，正!!



老虎睇見2 位美籍黑白美女，內心笑到出面



船佚







在河面來來回回搵河畔樹上野生大鼻猴，大蜥蝪，叢林內的野豬，大約1小時後返河畔餐廳度食自助晚餐，食物普通可飽肚，不要有期望有精彩美食.


天色轉黑後再落船睇螢火蟲，船伕努力搵河畔樹上嘅大自然既聖誕樹“螢火蟲”，相機係影不到的，但老虎覺得失望，因為之前帶佢睇過十八丁的螢火蟲，五嶽歸來不看山，黃山歸來不看嶽。都是我的錯，看不上眼，泛舟45分鐘上岸，享受河上涼風，停車場內的旅遊巴陸續送遊客返市區酒店，開車2個多小時回酒店休息.

BIZET

17/3/2015 Tue  第七天

食過兩餐隆美，想試食沙巴點心飲茶，一早有心去Royal China Restaurant大同皇朝酒家，係麗都廣場對面，不過隔住Jalan Lintas，以前從未去過，只係將佢資料一早放係Google Map 3年了，到酒樓地下，原來佢最後營業到3月11日， 噢，又中獎，人生無常，花開須折直須折，莫待無花空折枝，返去麗都廣場，之前見對面間天旺都有好多人幫襯，今日去試吓西刀魚蛋.






從天旺望向隆美


魚片魚蛋麵






魚片魚蛋米 + 魚片魚蛋麵




揹斜包的是老闆



魚片同魚蛋同隆美有得比，但湯底就比下去了，嘆完天旺返酒店嘆.
返酒店前去行CKS超市，掃貨.

中午開車去Inanam某地點訂雪藏大虎蝦，順手買條星班送俾位瘟神，合共淨重差不多7公斤. 明天上機前取. 老闆娘個女問我地點炮制老虎蝦，吓! 自己賣蝦都問? 老虎即刻講解佢炮制老虎蝦的秘技. 一個人一餐淨食一隻已經大半飽，因為每隻大約200至250克重，即5至6兩.



老虎蝦6包 同埋 七星班


俾埋錢，跟住搵何記海南雞飯了結第一天吃不到的遺憾，Kolombong 在 Inanam 對面，話咁快就到.



何記海南雞飯


可能老闆娘覺得我地兩老老唔似本地人猛推介招牌食品.
何記海南雞  雞什  白菜仔 飯 桔仔冰  夏枯草  好似RM38
雞味唔錯，同五星海南雞飯各有千秋.

開車去旅遊點Tun Fuad Stephens Park，有水上世界，不過正在維修中，行吓睇吓，炎炎中午都有不少上年紀人士環公園緩步走，去補充手信喇.



水上餐廳



水上餐廳，冇幫襯.

去機場附近個間Sunny超市掃手信，不幸想要的幾款糖已俾人家掃清，落市中心實惠超市補貨，行街睇野，游蕩去美金香買肉乾，問吓老闆娘點解唔見年青靚女坐陣，原來去咗美里上大學. 啊!


返酒店休息上網等到肚餓先出發，呢次係新佳雅，可能因為在學校假期，人山人海.


炒西洋菜


姜蔥炒象拔螃仔



清蒸石班仔，係海魚，好美味，唔同養班.


想叫軟殼蟹，不過冇貨，改叫咸蛋炒蟹
Total RM 136.98  美味，滿足後返去執行李，明天是最後一天在沙巴.



今天手信成績的一部分.

uuch

要不要这样勾引我

BIZET

有好野, 公諸同好欣賞.