【經典金句】This City is Dying, you know?

ahju

你望下我哋呢個世界，
睇下我哋呢個城市係乜嘢樣，
除咗「錢」呢個字之外，
我哋已經唔識分乜嘢係是非黑白。
我哋每一個人都畀環境訓練到,好似倒模出嚟噉樣，
中意食同一樣嘅嘢，
中意同一樣嘅電視節目，
支持同一種政治嘅立場，
信奉一種生老病死做人嘅方式…

This city is dying, you know?!

~~~ Dr. Dylan (Joe Junior ) ~~
取自香港無線電視連續劇 【天與地】第七集

=============

（你瞧下我們的世界，看下我們這個城市是怎的模樣，
除了錢這東西之外，我們已經不再懂得如何去分辨是非黑白，
我們每個人都給這個環境訓練到好像倒模出來的樣子，
喜歡吃同一樣的東西，喜歡看同一樣的電視節目，
支持同一種政治立場，信奉著一種生老病死的做人方式…

這城市正在死亡，你知道嗎？ )

==============

James-Yeo

每個人都在重複著每個人重複著的人生。

ahju

每個人生本來係可以唔一樣嘅，可樂唔係靜得可口可樂，漢堡包亦唔係祗得麥當勞，
唔講華語，可以講粵語，
唔中意深藍色，可以揀紅色，可以揀水藍色，可以揀綠色。

一種米仲可以養百種人嗎？
餐餐食雲吞麺又點會知道清湯荷粉其實都好好味。

每個人都應該給予更大嘅自由，更多嘅選擇權，
你不是我，我不是你，
每個人都可以選擇去行屬於佢自己嘅路，
各自各在人生嘅路途上留下不同的足跡，喺歷史上寫上新的一頁。

可惜有更多人選擇咗放棄，
放棄都算係一種選擇？

人生匆匆數十載，匆匆的來，又匆匆的去，
難通祗係想做一個過客？

风林

點解尼區會咁靜的？

ahju

回复 4# 风林

冇計嘎，每個人都有佢自己嘅選擇。論壇又冇話過唔畀人齋睇而唔講嘢，
匿喺水度靡幾好，唔駛驚畀人轟炸。

論壇係好自由嘅，祗少尐貼唔會冇挐挐畀人拐咗去，
我哋得閑靡嚟呢處講返一兩句，傾下偈，車下大奅。
祗要個城市一天重未死亡，聽日依然係有古仔講。